ބ މާޅޮހުގައި ފުލުހުންގެ ޕޯސްޓެއް ގާއިމުކޮށްފިއެވެ.
ފުލުހުންގެ މުއައްސަސާއިން ހިއްސާކޮށާްފައިވާގޮތުން، މިހާރު އެ މުއައްސަސާއިން ވަނީ އަލަށް ގާއިމުކޮށްފައިވާ ޕޯސްޓުން ހިދުމަތްތައް ފަށާފައެވެ. ޕޯސްޓު ހުޅުއްވައިދެއްވީ ރާއްޖޭގެ ޕޮލިސް ކޮމިޝަނަރ އަލީ ޝުޖާއު އާއި މޯޅޮހު ކައުންސިލުގެ ރައީސް އަބްދުﷲ ޝުޖާއުއެވެ.
މާޅޮޮހުގައި ޕޯސްޓު ހުޅުވުމަށް ކުރިއަށް ގެންދިޔަ ރަސްމިއްޔާތުގައި މޯލްޑިވްސް ޕޮލިސް ސާވިސްގެ އިސްވެރިންނާއި ސަރުކާރުގެ އިސް ވެރިންވެސް ބައިވެރިވެވަޑައިގެންނެވިއެވެ. އެ މުއައްސަސާއިން ހިއްސާކޮށްފައިވާގޮތުން އެ ހުރިހާ އެންމެން އިވެންޓުގައި ބައިވެރިވެވަޑައިގަތުމަކީ ރާއްޖޭގެ ސަލާމަތީ ކަންކަން ކަށަވަރުކުރުމަށް ކުރާ މަސައްކަތްތަކަށް ކޮމިޓްމެންޓް ދީފައިވާ މިންވަރު ރަމްޒުކޮށްދޭކަމަށެވެ.
ފުލުހުންގެ މުއައްސަސާއިންވަނީ ދާދި ފަހުން މި ފަދަ ޕޮލިސް ޕޯސްޓުތައް އެހެނިހެން ބައެއް ރަށްތަކުގައި ވެސް ހުޅުވައި ހިދުމަތްތައް ފަށާފައެވެ. އެގޮތުން ހެނބަދޫ އަދި ޅޮހީގައިވެސް ޕޮލިސް ޕޯސްޓު ގާއިމުކޮށްފައިވާކަން ފާހަގަކުރެވެއެވެ.
advertisment