ހިޔާގެ ދެ ފްލެޓު އެއް ކުރި ފަރާތަށް އަނބުރާ ކުރީގެ ހާލަތަށް ފްލެޓު ރުޖޫއަކުރުމަށް ހަތް ދުވަސްދީފައިވާކަމަށް އާބަންކޯއިން ބުނެފިއެވެ.
ހިޔާ ފްލެޓުގެ ދެ ފްލެޓު އެއް ކުރުމާއި އެކު، އުފެދިފައިވާ މައްސަލައަށް އަލިއަޅުވައި އާބްންކޯއިން ނެރިފައިވާ ބަޔާނެއްގައިވާގޮތުން، އެ ކުންފުނިންވަނީ މައްސަލައާއި ގުޅިގެން އެ ފަރާތް ޖޫރިމަނާކޮށްފައެވެ. އަދި ޔުނިތައް އަލުން ކުރީގެ ހާލަތަށް ރުޖޫއަކުރުމަށްވެސް އެންގިކަމަށް ބުނެފައިވެއެވެ.
އެ ކުންފުނިން ބުނެފައިވާގޮތުން، އެ ފްލެޓުތަކުގެ ވެރިން އެންގުމާއިއެއް ގޮތަށް އަމަލުކޮށްފައިނުވެއެވެ. އެހެންކަމުން ފްލެޓުގެ އެއްބަސްވުން ބާތިލުކުރުމުގެ ވިސްނުން ގެންގުޅުނުކަމަށް އާބަންކޯއިން ހިއްސާކުރިއެވެ. އެ ކުންފުނިން ބުނެފައިވާގޮތުން، އެހެންނަމަވެސް ފްލެޓުގެ ވެރި ފަރާތްތަކުންވަނީ އާބަންކޯއިން ދީފައިވާ މުއްދަތު އިތުރުކޮށްދިނުމަށް އެދިފައިކަމަށްވުމުން، އަދި ހުށައެޅުމުގެ ސަބަބުވެރިކަމަށް ބަލައި އިތުރު 7 ދުވަސް ދީފައިވާކަމަށް ބުނެފައިވެއެވެ.
