މިއަހަރުގެ ރިޔާސީ އިންތިހާބުގެ ނަތީޖާ ނިކުންނަ ގޮތަކުން ތަރައްގީގެ މަޝްރުއުތައް ހުއްޓިދާނެދާނެކަމަށް ވިދާޅުވެ، ރައްޔިތުން ވިސްނުމަށް ރައީސުލްޖުމްހުރިއްޔާ އިބްރާހީމް މުހައްމަދު ސާލިހު ވިދާޅުވެއްޖެއެވެ.
”އުފާވެރި އަމާން ރާއްޖެ“ ޝިއާރުގެ ދަށުން ރިޔާސީ އިންތިހާބަށް ރައީސް ސާލިހު ކުރައްވާ ކެމްޕެއިން ދަތުރުގެ ތެރެއިން އެމަނިކުފާނު އިއްޔެ ދަތުރު ފެއްޓެވީ ހއ އަތޮޅަށެވެ. ހއ އަތޮޅުން 7 ވަނަ މަޒިލް، ތަކަންދޫގައިވެސް ރައީސް ސަލިހު ވަނީ ރައްޔިތުންނާއި މުހާތަބުކުރައްވާ ވާހަކަދައްކަވާފައެވެ. އެގޮތުން ރައީސް ސާލިހު ވިދާޅުވީ، ދެހާހުގެ ކުރީ ކޮޅު އެމްޑީޕިއިން ފެށި އިސްލާހީ މަސައްކަތުގައި ތަކަންދޫގެ ހިއްސާ ވަރަށް ބޮޑުކަމަށެވެ. އަދި ޖަލުގެ ތޭރިތަކަށް ދާން ޖެހުމުން، އެކަމާއިވެސް ތަކަންދޫގެ ރައްޔިތުން ކުރިމަތިލީކަމަށް ރައީސް ވިދާޅުވިއެވެ.
ރައީސް ސާލިހު ވިދާޅުވީ ތަކަންދޫގެ ރައްޔިތުންގެ ވިސްނުން ވަރަށް ސާފުކަމަށާއި، ދަތި އުނދަގުލާއި ބިރުވެރިކަމުގެ ތެރޭގައިވެސް 2018 ވަނަ އަހަރުގެ ރިޔާސީ އިންތިހާބުގައި އެމަނިކުފާނަށް 63 އިންސައްތަ ވޯޓު ލިބުނުކަމަށް ރައީސް ވިދާޅުވިއެވެ.
މި ރަށް ތަރައްގީކުރުމަށް މި ސަރުކާރު ކޮށްދެއްވާފައިވާ ކަންކަމާއި ގުޅޭ ގޮތުން ވާހަކަދައްކަވަމުން ރައީސް ވަނީ ދަތުރުފަތުރުގެ ނިޒާމު ހަރުދަނާކުރުމަށ،ް ރާއްޖެ ޓްރާސްޕޯޓް ލިންކް (އާރްޓީއެލް) ގެ ފެރީ ނިޒާމު ފާހަގަކުރައްވާފައެވެ. އަދި ރައީސް ސާލިހު ވަނީ ތަކަންދޫގެ ބަނދަރުގައި ބަދަލުކުރަން ޖެހޭ ކަންކަން ބަދަލުކުރާނެކަމަށާއި، އަދި ބަނދަރު ބޮޑުކުރާނެކަމަށް ވައުދުވެވަޑައިގެންފައެވެ. އަދި ރަށުގެ ރައްޔިތުން އެދިފައިވާގޮތަށް އިޖުތިމާއީ މަރުކަޒެއް ގާއިމްކޮށްދެއްވާނެކަމަށް ވައުދުވެވަޑައިގެންނެވިއެވެ.
މިރަށުގެ އަސާސީ ހިދުމަތައް ފުރިހަމަކޮށްދިނުމަށް ފަށާފައި ހުރި މަސައްކަތްތައް މިހާރު އެ ދަނީ ނިމެމުން.
ރައީސް ވިދާޅުވިއެވެ.
ރައީސް ސާލިިހު ވިދާޅުވީ އެމްޑީޕީގެ މި ސަރުކާރުން ގާއިމްކޮށްދިން އުފާވެރިކަމާއި، އަމާންކަން ބީވެގެންދިޔަ ނުދީ ހިފަހައްޓަން ޖެހޭ ސަބަބަކީ ގައުމުގެ ތަރައްގީގެ މަޝްރޫއުތައް ކުރިއަށް ގެންދިއުމަށްކަމަށެވެ. ރާއްޖެއަށް ގެންނަން ފެށި ތަރައްގީީގެ މަސައްކަތްތައް އަދި ނުނިމޭކަމަށާއި، އަދިވެސް ގިނަ މަސައްކަތްތަކެއް ކުރަންޖެހިފައިވާކަމަށް ފާހަގަކޮށް، ބަނދަރުތައް ތަރައްގީކުރުމާއި، ފެނާއި ނަރުދަމާގެ މަސައްކަތްތަކާއި، އަދި ސުކޫލުތަކަށް އިމާރާތް އިތުރުކުރުންފަދަ އެތައް މަސައްކަތެއް އެއްފަހަރާ ކުރަން ޖެހިފައި އެބައޮތްކަމަށް ރައީސް ވިދާލުވިއެވެ.
ނަމަވެސް މިއަހަރުގެ ރިޔާސީ އިންތިހާބުގެ ނަތީޖާގެ ސަބަބުން މި މަޝްރޫއުތައް ހިންގުން ހުއްޓިދާނެކަމަށް ރައީސް ވިދާޅުވިއެވެެެ. އަދި އެމަނިކުފާނު ދެއްވީ ތަފާާތު ބޮޑު އަގުލަބިއްޔަތާއިއެކު، ކޯލިޝަންގެ ހިއްސާއާއިއެކު ވެރިކަން ކާމިޔާބު ކުރައްވާނެކަމުގެ ޔަގީންކަމެވެ.
