އެމްއެންޕީގެ ރިޔާސީ ކެންޑިޑޭޓު ރިޓަޔާޑް ކާނަލް މުހައްމަދު ނާޒިމްގެ ކެންޑިޑޭޓު ނަމްބަރެއްގެ ގޮތުގައި ނަމްބަރު 8 ކަނޑައެޅިއްޖެއެވެ.
ނާޒިމްގެ ކެންޑިޑޭޓު ނަމްބަރު ކަނޑައެޅިގެން ދިޔައީ އިންތިހާބީ މަރުކަޒުގައި ކުރިއަށް ގެންދިޔަ ގުރުއަތު ނެގުމުގެ ރަސްމިއްޔާތުގައެވެ. ނާޒިމްގެ ފަރާތުން މި ރަސްމިއްޔާތުގައި ބައިވެރިވެވަޑައިގަތީ އެމަނިކުފާނުގެ އިންތިހާބީ އެޖެންޓު ވިލިމާލެ ދާއިރާގެ މެމްބަރު އަހުމަދު އުޝާމްއެވެ. ނާޒިމްގެ ރަނިންގް މޭޓެއްގެ ގޮތުގައި ކަނޑައެޅިފައިވަނީ ޑރ މުހައްމަދު އަދީލް ނަސީރުއެވެ.