އެމްއެންޕީއިން އިންތިހާބުގެ ދެވަނަ ބުރުގައި ޕީޕީއެމްއާއިއެކު ކުރިއަށް ދިއުމަށް ނިންމައިފިއެވެ.
އެމްއެންޕީއިން މީޑިއާތަކާއި ހިއްސާކޮށްފައިވާގޮތުން، އެ ޕާޓީއިން ކުރިއަށް ގެންދިޔަ ގައުމީ ހިންގާ ކޮމިޓީގެ ބައްދަލުވުމުގައި މެމްބަރުންވަނީ ފުޅާ ދާއިރާއެއްގައި މިނިވަންކަމާއިއެކު ހިޔާލު ފާޅުކޮށްފައެވެ. އަދި މަޝްވަރާތައް ކުރެއްވި ގިނަ އަދަދެެއްގެ މެމްބަރުންނަށް ފެންނަނީ ޕީޕީއެމް/ޕީއެންސީގެ ކެންޑިޑޭޓު ޑރ މުހައްމަދު މުއިއްޒުއަށް ތާއީދުކޮށް އެއްބާރުލުން ދީގެން އިންތިހާބުގައި ކުރިއަށް ދިއުމަށްކަމަށް ހާމަކޮށްފައިވާކަމަށްވެސް ބުނެފައިވެއެވެ.
އެ ޕާޓީއިން ބުނެފައިވާގޮތުން ހިންގާ ކޮމިޓީއިން އެ މީހުންގެ ހިޔާލު ފާޅުކޮށްފައިވާނަމަވެސް، ކޯލިޝަން ހެދުމާއިމެދު ފަހުބަސް ބުނާނީ އެ ޕާޓީގެ އެގްސެކިއުޓިވް ކޮމިޓީއިންނެވެ.