މިއަދު ފާހަގަކުރަމުންދަނީ ޒަމާންތަކެއް ކުރިން ރަސްކަމުގައި ހުރި މީހަކު އިސްލާމްވީ ދުވަސްކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ޒަމާނުއްސުރެ ދިވެހިރާއްޖެ އިސްލާމްވީ ދުވަހުގެ ގޮތުގައި ފާހަގަކުރާ މުނާސަބާއަށް އަލިއަޅުއްވައި ރައީސް ނަޝީދުވަނީ އެ ދުވަހާއި ގުޅޭ މައުލޫމާތުތަކެއް ހިއްސާކުރައްވާފައެވެ. ރައީސް ނަޝީދު ވިދާޅުވީ، ރާއްޖޭގެ ހުރިހާ ރައްޔިތުން އިސްލާމް ދީން ބަލައިގަތީ އެއް ދުވަހެއްގައި ނޫންކަމަށެވެ. އަދި ފާހަގަކުރަމުންދާ ދުވަހަކީ އޭރުގެ ރަސްގެފާނު އިސްލާމްވީ ދުވަސްކަމަށާއި އެންމެހާ ބޭފުޅުންނަށް އެ ދުވަހުގެ ތަހުނިޔާ އަރިސްކުރައްވާކަމަށެވެ.
ރާއްޖެ އިސްލާމްވީ ދުވަހުގެ މުނާސަބާގައި އަލަށް އިންތިހާބުވެވަޑައިގެންފައިވާ ރައީސް ޑރ މުއިއްޒުވެސް ވަނީ ދިވެހި ރައްޔިތުންނަށް ތަހުނިޔާގެ މެސެޖެއް ފޮނުއްވާފައެވެ. އެމަނިކުފާނުވަނީ ދިވެހިރާއްޖޭގެ މިނިވަންކަން ދެމިއޮތުމަށް އެދިވަޑައިގަންނަވާކަން ހިއްސާކުރައްވާފައެވެ.