އިސްރާއީލުން ޣައްޒާގެ ޖަބަލިޔާ ރެފިއުޖީ ކޭމްޕަށް ދިން ހަމަލާ ދިވެހިރާއްޖެއިން ކުށްވެރިކޮށްފިއެވެ.
އިސްރާއީލުން ދިން އަނިޔާވެރި ބޮމުގެ ހަމަލާތަކެއްގައި ޖަބަލިޔާ ކޭމްޕުގައި ތިބި ގިނަ އަދަދެއްގެ މީހުން މަރުވެފައިވާކަމަށް ފާހަގަކޮށް ފޮރިން މިނިސްޓަރު އަބްދުﷲ ޝާހިދުވަނީ ނުރުހުން ފާޅުކުރައްވާފައެވެ. އެމަނިކުފާނު ވިދާޅުވީ، ޖަބަލިޔާ ރެފިއުޖީ ކޭމްޕަށް ދިން ހަމަލާ އެންމެ ހަރުކަށި އިބާރާތުން ކުށްވެރިކުރާކަމަށެވެ.
މިނިސްޓަރު ޝާހިދު ވިދާޅުވީ، އެ ހަމަލާގައި ގިނަ އަދަދެއްގެ އާންމު ރައްޔިތުންގެ ފުރާނަ ގެއްލިފައިވާކަމަށާއި، އެތައް ބަޔަކަށް އަނިޔާވެފައިވާކަމަށެވެ. މިނިސްޓަރު ވިދާޅުވީ، އިސްރާއީލުން މައުސޫމު އާންމު ރައްޔިތުންނަށް ދެމުންދާ ހަމަލާތައް ކުށްވެރިކުރުން ތަކުރާރުކުރާކަމަށާއި، ބައިނަލްއަގުވާމީ މުޖުތަމައުން މި މައްސަލަ ހައްލުކުރުމަށް އަވަސްވެގަތުމަށް ގޮވާލާފައިވާ ގޮވާލުންވެސް ތަކުރާރުކުރައްވާކަމަށެވެ.
ޝާހިދު ވިދާޅުވީ، ޣައްޒާގައި ބައިނަލްއަގުވާމީ ގާނޫނުތައް ނެގެހެއްޓުމަަށާއި އާންމު މެރުން ހުއްޓާލުމަށް ގޮވާލާކަމަށެވެ. މިނިސްޓަރުވަނީ އެއްވެސް ދަތިކަމެއް ނެތި އެ ސަރަހައްދަށް އެހީ ފޯރުވަން ފުރުސަތު ދިނުމަށް ގޮވާލާކަމަށެވެ. ޖެ
