ކުންފުނީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދާއި އޮންލައިންކޮށް ސުވާލުކުރެވޭނެ ގޮތް އަރބަންކޯއިން ހަމަޖައްސައިފިއެވެ.
މިކަމާއި ގުޅޭ މައުލޫމާތު ހިއްސާކޮށް، އަރބަންކޯއިން އެކްސްގައި ހިއްސާ ކުރެއްވި ޕޯސްޓެއްގައިވަނީ AskMD@urbanco.mv މެދުވެރިކޮށް ސީދާ ފަޒުލްއަށް ސުވާލުތައް ފޮނުވޭނެ ކަމަށެވެ. އަދި ޝަކުވާވެސް ހުށައެޅޭއިރު މި ސުވާލުތަކާއި، ސުވާލުތަކަށް ފަޒުލް ޖަވާބުދާރީވާނެކަމަށް އަރބަންކޯއިން ބުނެއެވެ.
Our Managing Director, Ibrahim Fazul Rasheed is taking a step towards greater transparency and community engagement!
Send in your feedback, concerns and queries to AskMD@urbanco.mv and we will get back to you!#SupportingCommunities #WithUrbanco pic.twitter.com/UjUXgeRMxh
— Urbanco (@hdcmaldives) December 6, 2023
ފަޒުލް ކުންފުނީގެ މެނޭޖިން ޑިރެކްޓަރުކަމާއި ހަވާލުވިފަހުން، ވިނަރެސް ފްލެޓްތަކުގައި މިހާރު ޑައުން ޕޭމަންޓްގެ ގޮތުގައި ދައްކަމުން އަންނަ އަދަދު 50 އިންސައްތައަށް ކުޑަކުރުމަށް ވަނީ ނިންމާފައެވެ. އަދި މި ފްލެޓްތަކާއި ގުޅިގެން އާންމުންގެ ޝަކުވާތައް ލިބިފައިވާ ކަންކަން ހައްލު ކުރައްވާނެކަމަށް ވިދާޅުވިއެވެ.
ފަޒުލް ވަނީ ފްލެޓްތަކަށް ޒިޔާރަތްކޮށް، އެ ސަރަހައްދުގައި ކުރިއަށްދާ މަސައްކަތްތައް ބަލައި، މަސައްކަތް އަވަސްކޮށް، ޕްރޮޖެކްޓްގެ ރަނގަޅުކަން އިތުރުކުރެވޭނެ ގޮތްތަކާ ބެހޭގޮތުން މަޝްވަރާވެސް ކުރައްވާފައެވެ.
advertisment