އަމީނީ މަގުގައި ތާރު އެޅުމުގެ މަސައްކަތް ކުރިއަށް ގެންދިއުމަށްޓަކައި ފުޑް ކޯޓު ސަރަހައްދުގެ މަގު ބަންދުކުރުމާއި ގުޅިގެން ބަސް ރޫޓަށް ބަދަލު ގެނެސްފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.
މިކަމާއި ގުޅިގެން ރައްޔިތުންނަށް މައުލޫމާތު ދެމުން އެމްޓީސީސީއިން ބުނެފައިވަނީ އާރް 11 (އަމީނީ ރޫޓް) ގެ ދަތުރުތައް އަމީނީ މަގުންގޮސް ހަނދުވަރީ ހިނގުމުން، އެޅުމަށްފަހު މަޖިދީ މަގަށް އަޅައިގެން ދަތުރުކުރމަށް ނިންމާފައިވާކަމަށެވެ. އަދި އާރް 10 (އޯކިޑް ރޫޓް) ގެ ދަތުރުތައް މަޖީދީ މަގުންގޮސް ވެސްޓް ޕާކް ބަސް ހުއްޓިން އަނބުރާލާ ގޮތަށެވެ.
އެމްޓީސީސީ އިން ބުނީ އާރް 1 އަދި އާރް 3 ގެ ދަތުރުތައް ފަށާ ބަސް ހުއްޓިކަމަށްވާ، އާރް 7 ގެ ބަސް ދަތުރު ހުއްޓާ އެންމެ ފަހު ބަސް ހުއްޓިއަކީ މާފަންނު ބަސް ޓާމިނަލް ކަމަށެވެ.
އަމީނީ މަގުގައި ހުންނަ ދިވެހިރާއްޖޭގެ އަޑުބިލްޑިންއާއި ހަމައިން ފެށިގެން އަމީނީ މަގުން ހުޅަނގަށް އޮންނަ ބައި އެއްކޮށް ވަނީ މިހާރު ބަންދުކޮށްފައެވެެ.