ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެން މިވީ ހަތަރު މަސް ދުވަހުގެ ތެރޭގައި ރާއްޖޭގެ ވައިގެ ދަތުރުފަތުރުގެ ނިޒާމަށް އިންގިލާބީ ބަދަލުތަކެއް ގެނެވިފައިވާކަމަށް ޓްރާންސްޕޯޓު މިނިސްޓަރ މުހައްމަދު އަމީން ވިދާޅުވެއްޖެ އެވެ.
މާޗު މަހު ރާއްޖޭގެ ވައިގެ ދަތުރުފަތުރުގެ ދާއިރާއަށް ލިބުނު ކާމިޔާބީއާއި ކުރިއެރުންތައް ފާހަގަކުރައްވައި މިނިސްޓަރ ވިދާޅުވީ މިދިޔަ ހަތަރު މަސް ދުވަހުގެ ތެރޭގައި އިންގިލާބީ ބަދަލުތަކެއް ގެނެވިފައިވާ ކަމަށެވެ. އަދި އެ ބަދަލުތައް އައީ ރައީސް މުއިއްޒުގެ ސިޔާސަތުތަކާއި، އެމަނިކުފާނުގެ ކާމިޔާބު މަސައްކަތުގެ ނަތީޖާއެއްގެ ގޮތުންކަމަށް ވިދާޅުވި އެވެ.
The aviation sector has seen rapid evolution over the past four months, all thanks to the visionary and meticulous planning by President @MMuizzu
We're gearing up for exciting times with the introduction of widebody operations focused on boosting Maldivian tourism through… pic.twitter.com/x86sWU67vV— Mohamed Ameen (@ameen3d) April 5, 2024
އަމީންގެ ޕޯސްޓުގައި ފާހަގަކޮށްފައިވާ ކާމިޔާބީތަކުގެ ތެރޭގައި މި ސަރުކާރުން ރާއްޖޭގައި ފުރަތަމަ ފަހަރަށް އެއާ އެމްބިއުލާންސްގެ ހިދުމަތް ޑީއެޗްސީ 200-8 ގެ މޯލްޑިވިއަން އެއާކްރާފްޓެއްގައި ދޭން ފެށުން ހިމެނެ އެވެ. އަދި އެ ހިދުމަތާއި އެކު އޭގެ ފަހުން މޯލްޑިވިއަންގެ ސީ ޕްލޭންއެއް ވެސް އެ ހިދުމަތަށް ބޭނުން ކުރަން ފެށުން ފާހަގަކުރެއްވި އެވެ.
މީގެއިތުރުން މިދިޔަ މަހު އިންޑިއާގެ ބެންގަލޫރަށް މަންތާ އެއާއިން އިންޓަނޭޝަނަލް ދަތުރުތައް ފެށުން ހިމެނެ އެވެ.
މިއާއި އެކު ރާއްޖޭގެ އިގްތިސާދީ ސަރަހައްދު ބެލެހެއްޓުމަށް ގެނައި ޑްރޯންތަކަކީ ވެސް އޭވިއޭޝަންގެ ދާއިރާގެ ކުރިއެރުމެއްކަމަށް މިނިސްޓަރ ވިދާޅުވި އެވެ.
