ކުޅުދުއްފުށީގައި ހުރި ކެމްޕޭނު އޮފީހެއްގައި ހުޅުޖެހިކަމަށް ތުހުމަތުކުރެވޭ މީހާގެ ބަންދަށް 10 ދުވަސް ޖަހައިފިއެވެ.
މީޑިއާތަކަށް މައުލޫމާތު ދެމުން ފުލުހުން ބުނި ގޮތުގައި ހައްޔަރުކޮށްފައިވަނީ އުމުރުން 31 އަހަރުގެ ދިވެހި ފިރިހެނެކެވެ. އޭނާ ހައްޔަރުކުރީ މިދިޔަ ބުރާސްފަތި ދުވަހުކަމަށްވާއިރު، އެ ޖަގަހައިގައި ހުޅުޖެހީ މިމަހުގެ 16 ގައެވެ.
މިއަދު ކްރިިމިނަލް ކޯޓުން އޭނާގެ ބަންދަށް 10 ދުވަސް ޖެހީ މިއަދުއެވެ. އޭނާ ހައްޔަރު ކުރެވިފައިވަނީ ކޯޓު އަމުރެއްގެ ދަށުން ފުރުމަށް އެއާޕޯޓަށް ގޮސް ހުއްޓައެވެ.
މި މައްސަލަ ދަނީ ތަހުގީގު ކުރަމުންކަމަށް ފުލުހުން ބުނިއެވެ.
advertisment