އެކި ބައްދަލުވުންތަކުގައި ބައިވެރިވުމަށް މި ސަރުކާރުގެ ކެބިނެޓުގެ ހަތަރު ވަޒީރެއް ސައުދީ އަރަބިއްޔާއަށް ވަޑައިގެންފި އެވެ.
މިވަގުތު އިކޮނޮމިކް މިނިސްޓަރ މުހައްމަދު ސައީދާއި، ފޮރިން މިނިސްޓަރ މޫސާ ޒަމީރު ސައުދީގައި ހުންނެވީ އިންޓަނޭޝަނަލް އިކޮނޮމިކް ފޯރަމްގައި ބައިވެރިވުމަށެވެ. އަދި ފިނޭންސް މިނިސްޓަރ ޝަފީގު ވަޑައިގަތީ އިސްލާމިކް ޑިވެލޮޕްމަންޓު ބޭންކުގެ އެނުއަލް ބައްދަލުވުމަށެވެ. އަދި އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވަޑައިގަތީ މުސްލިމް ވޯލްޑް ލީގްގައި ބައިވެރިވެވަޑައިގަތުމަށެވެ.
ޑރ. ޝަހީމް ވަނީ ކުވައިތުގެ ޒަކާތު ހައުސްގެ ޑިރެކްޓަރ ޖެނެރަލް ޑރ މާޖިދު ސުލައިމާން އަލްއާޒިމީއާ ވެސް ބައްދަލުކުރައްވާފައެވެ. އަދި ރާއްޖޭގެ ޒަކާތު ހައުސިން ކުރިއެރުވުމަށް މަޝްވަރާތަކެއްވެސް ވަނީ ކޮށްފައެވެ.
މީގެ ތިންމަސް ކުރިން ޒަކާތު ހައުސިން ރައީސުލްޖުމްހޫރިއްޔާ ވަނީ އިފްތިތާހު ކޮށްދެއްވާފައެވެ. ޒަކާތު ހައުސް އިން މައިގަނޑު ކުރާނެ ކަންތައްތަކަކީ ޒަކާތުގެ ކަންކަން އިތުރަށް ހަރުދަނާކޮށް އައު ހަރުފަތަކަށް ގެންދިޔުމާއި ޒަކާތުގެ އިލްމު ފެތުރުމެވެ.
