ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ގެ ކަސްޓާމަރުންނާ ގުޅޭ ޑޭޓާ ބޭސްއެއް ހެކް ކުރި މައްސަލައެއް ފުލުހުން ބަލަން ފަށައިފިއެވެ.
ފުލުހުން މީޑިއާތަކަށް ބުނީ އެޗްޑީސީގެ ކަސްޓާމަރުންނާ ގުޅޭ ޑޭޓާ ބޭސްއެއް ހެކް ކުރި މައްސަލައެއް ފުލުހުންގެ ސަމާލުކަމަށް އައިސްފައިވާ ކަމަށާ އެ މައްސަލައާ ގުޅިގެން ބަލަންޖެހޭ ކަންކަން ބަލަމުން ގެންދާ ކަމަށް ފުލުހުން ބުނެފިއެވެ.
އެ މައްސަލަ ފެންމަތިވީ ބައެއް އާންމުންގެ ފޯނުތަކަށް އެޗްޑީސީގެ ނަމުގައި މިއަދު އޯޓީޕީ މެސެޖުތަކެއް އައުމާ ގުޅިގެންނެވެ. އޭގެއިތުރުުން، ބައެއް ކަސްޓަމަރުންގެ މައުލޫމާތު ކަމަށް ބުނާ ސްކްރީން ޝޮޓްތަކެއް ވެސް މިއަދު ދައުރުވެފައި ވެއެވެ.
މި މައްސަލައިގެ އިތުރު ތަފްސީލު ފުލުހުން ދީފައެއް ނުވެއެވެ.
