މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސްއާއި ވޯލްޑް ބެންކު ގުޅިގެން ސްކޮލަޝިޕު ފުރުސަތުތަކެއް ހުޅުވާލައިފިއެވެ.
ފިޝަރީޒް މިނިސްޓްރީއިން ހާމަކޮށްފައިވާގޮތުން ވޯލްޑް ބެންކާއިއެކު ކުރެވޭ މި މަސައްކަތްތަކަކީ ”ޓްރާންސްފޯމިންގް ފިޝަރީޒް މެނޭޖުމެންޓް އިން ސައުތު ވެސްޓް އިންޑިއަން އޯޝަން ރީޖަން އެންޑް މޯލްޑިވްސްގެ ގޮތުގައި ނަން ދެވިފައިވާ މަސައްކަތްތަކެއްގެ ދަށުން ހުޅުވާލެވިފައިވާ ތައުލީމު ލިބިގަތުމުގެ ފުރުސަތުތަކެއްކަމަށެވެ.
މިނިސްޓްރީއިންވަނީ ސްކޮލަޝިޕަށް އެދުމަށް އެޕްލިކޭޝަން ފުރުސަތު ހުޅުވާލާފައިކަމަށްވާއިރު މެރިން ސައިންސްއިން މާސްޓާސް ޑިގްރީއަކާއި، އަކުއަކަލްޗާއިން ބެޗަލާސް ޑިގްރީއެއް ހާސިލުކުރުމަށްވެސް ފުރުސަތު އޮވެއެވެ. އަދި މެރިން ސައިންސްއާއި މެރިން ބަޔޮލޮޖީއިން ވެސް ޑިގްރީ ނެގުމަށް ހުޅުވާލާފައިވާއިރު އެކުއާޓިކް ވެޓްރެނަރީ ކެއަރއިންވެސް ޑިގްރީ ހާސިލުކުރުމަށް ހުޅުވާލާފައިވެއެވެ.
ސްކޮލަޝިޕަށް ހުށައެޅުމަށް ސުންގަޑިއެއްގެ ގޮތުގައި ބަޔާންކޮށްފައިވަނީ ސެޕްޓެމްބަރު މަހުގެ 1 ވަނަ ދުވަހުގެ 12:00 އެވެ. މިކަމާއި ގުޅޭ އިތުރު މައުލުމާތު ހޯއްދެވުމަށްޓަކައި 3033484 އަށް ގުޅުއްވުމަށް މިނިސްޓްރީއިން އެދިފައިވެއެވެ.
