ރިސޯޓެއްގައި ދިވެހި ޒުވާނަކު މަރުވެފައި އޮއްވައި ފެނުނު މައްސަލައަކާ ގުޅިގެން އޮޓޯޕްސީ ހެދުމުގެ މަސައްކަތް ކުރަމުން އަންނަކަމަށް ފުލުހުން ބުނެފިއެވެ.
އެ ޒުވާނާ މަރުވެފައި އޮއްވާ ފެނުނީ ބ. އަތޮޅުގައި ހިންގަމުން އަންނަ ހޮސްޕިޓަލެއްގައެވެ.
ފުލުހުން ބުނީ ރިސޯޓެއްގައި އުމުރުން 21 އަހަރުގެ ފިރިހެނަކު މަރުވި މައްސަލައެއް ރިޕޯޓުކުރީ މިމަހުގެ 23 ވަނަ ދުވަހުކަމަށެވެ. ނަމަވެސް ހާދިސާ ހިނގައި ދިޔައީ އެއީ ކޮން ރިސޯޓެއްގައިކަމެއް ފުލުހުން ނުބުނެއެވެ.
މައްސަލާގައި އިތުރަށް ބަލަން ޖެހޭ ކަންކަން ބަލައި، އޭނާ މަރުވި ސަބަބު ދެނެގަތުމަށްޓަކައި އޮޓޯޕްސީ ހެދުމަށް ތަހުގީގު ޓީމުން ވަނީ ނިންމައިފައެވެ.
އެ މައްސަލަ އިތުރަށް ތަހުގީގުކުރަމުން އަންނަ ކަމަށް ބުނެ އިތުރު ތަފްސީލެއް ފުލުހުން ނުދެއެވެ.
