ކޮމިޝަނަރ އޮފް ޖެނެރަލްގެ މަޤާމަށް ބޭފުޅަކު ޢައްޔަންކުރެވެންދެން، އެ މަޤާމުގައި ވަގުތީގޮތުން ހުންނަވާނެ ބޭފުޅަކު ކަސްޓަމްސް އިން ހާމަކޮށްފިއެވެ.
މި ގޮތުން، އެ މަޤާމުގައި ހުންނަވާނީ، ޑެޕިއުޓީ ކޮމިޝަނަރ އޮފް ކަސްޓަމްސް ޢަބްދުﷲ ޝަރީފްކަމަށް ކަސްޓަމްސްއިން މިއަދު ހާމަކޮށްފައިވެއެވެ.
ކަސްޓަމްސްއިން މި ގޮތަށް ނިންމާފައިވަނީ، ކޮމިޝަނަރ ޖެނެރަލްގެ މަޤާމުގައި މީގެ ކުރިން ހުންނެވި އަލްފާޟިލް އަޙްމަދު ނުޢުމާން އަވަހާރަވުމާއި ގުޅިގެންނެވެ. ކަސްޓަމްސްއަށް ގިނަދުވަސްތަކެއް ވަންދެން ޚިދުމަތްކުރައްވާފައިވާ ނުޢުމާން އަވަހާރަވީ، އާލާސްކަންފުޅެއްގައި އިންޑިޔާގެ ބެންގަލޫރުގައި ފަރުވާ ހޯއްދަވަމުން ދަނިކޮށް، އެ ބޭފުޅާ އަވަހާރަވީ، މި މަހުގެ 08 ވަނަ ދުވަހުގެރޭ އިރާކޮޅުގެ ވަގުތެއްގައެވެ.
