މާލޭގައި ރޭ ހިންގި މާރާމާރީއެއްގައި މީހަކު ޒަހަމްކޮށްލައިފިއެވެ.
ފުލުހުން މީޑިއާތަކަށް ބުނެފައި ވަނީ، ގަލޮޅު ހުވަފެނީގޯޅީގައި ބަޔަކު މާރާމާރީ ހިންގާ ކަމުގެ މައުލޫމާތު ލިބުނީ ރޭ ދަންވަރު 02:32 ހާއިރު ކަމަށެވެ.
ފުލުހުން ބުނި ގޮތުގައި އެ މާރާމާރީގައި ޒަހަމްކޮށްލާފައިވަނީ 35 އަހަރުގެ ފިރިހެނެކެވެ. އޭނާއަށް ފަރުވާ ދިނުމަށްޓަކައި، އައިޖީއެމްއެޗަށް ގެންދިޔަ ކަމަށް ފުލުހުން މައުލޫމާތުދެއެވެ.
އެ މީހާއަށް ފަރުވާދެމުންދަނީ އައިޖީއެމްއެޗްގެ އިމަޖެންސީ ރޫމްގައެވެ.
ފުލުހުން ބުނެފައިވަނީ އެ މައްސަލަ އިތުރަށް ތަހުގީގު ކުރަމުންދާ ކަމަށެވެ.
ފުލުހުންގެ ތަފާސްހިސާބުތަކުން ދައްކާ ގޮތުގައި މި އަހަރުގެ މިހާތަނަށް މާރާމާރީގެ 461 މައްސަލައެއް ރިޕޯޓުކޮށްފައިވެއެވެ.
