އެމްޑީޕީގެ ރަށްވެހި ތަރައްގީ އިންވެސްޓްމެންޓް ފޯރަމްގައި ފުވައްމުލައް އެ ސިޓީއަށް އަންނަ ފަތުރުވެރިންގެ މިންވަރު އިތުރު ކުރުމަށް 9 ޕްރޮޖެކްޓު ފުވައްމުލަކު ކައުންސިލުން ހުށައަޅައިފިއެވެ.
އެމްޑީޕީން އިންތިޒާމުކޮށްގެން ބޭއްވި އިންވެސްޓްމެންޓް ފޯރަމްގައި މޭޔަރު އަލީ ރަފީގް ވަނީ 9 ޕްރޮޖެކްޓެއްގެ މައުލޫމާތު ހިއްސާ ކުރައްވާފައެވެ. އެގޮތުން އެ ސިޓީގައި ”އޮތެންޓިކް ފުވައްމުލަކުގެ“ ނަމުގައި ކުރިއަށް ގެންދާ ޕްރޮޖެކްޓްގެ އިތުރުން، ސްޕޯޓްސް ކޮމްޕްލެކްސްއާއި، މިކްސްޑް ރެސިޑެންޝިއަލް އަދި ކޮމާޝަލް ޑެވެލޮޕްމެންޓް، މެރިން ރިސާޗް ސެންޓަރ، ވެޓް ލޭންޑް އަދި އީކޯ ޓޫރިޒަމް ޑިވެލޮޕްމެންޓް، ބޮޓެނިކަލް ގާޑެން، ހޯމް ސޯލަރ ޕްރޮގްރާމް، ވޭސްޓް ވޯޓަރ ރިކަވަރީ ފަދަ ޕްރޮޖެކްޓުތައް ހުށަހަޅާފައިވެއެވެ.
އެގޮތުން ރަފީގް ފާހަގަކުރެއްވި ގިނަ ޕްރޮޖެކްޓުތަކަކީ މާ ބޮޑު އިންވެސްޓްމެންޓެއް ނެތި ގުދުރަތީ ވަސީލަތްތައް ބޭނުންކޮށްގެން ކުރިއަށް ގެންދެވޭނެ ޕްރޮޖެކްޓެއް ކަމަށެވެ.
މޭޔަރު ހުށަހުޅުއްވި ބައެއް ޕްރޮޖެކްޓުތަކާއި އެ ޕްރޮޖެކްޓްތަކުގެ ތަފްސީލް:
- އޮތެންޓިކް ފުވައްމުލަކު: ރަށުގައި އުފައްދާ އުފެއްދުންތައް ޕެކޭޖް ކުރުމާއި ޕްރޮސެސްކުރުމުގެ ދަތި
- ސްޕޯޓްސް ކޮމްޕްލެކްސް: ޓްރެއިނިންގ ކޭމްޕެއް ބޭނުންވުން، އެކި ޓީމްތައް ގޮސް ޓްރެއިނިން ހެދުމާއި އެކޮމޮޑޭޝަން
- މިކްސްޑް ރެސިޑެންޝިއަލް އަދި ކޮމާޝަލް ޑެވެލޮޕްމެންޓް: 300-400 މިލިއަން ރުފިޔާ، ކައުންސިލުން ބިން ދޭގޮތަށް
- މެރިން ރިސާޗް ސެންޓަރ: 4-5 މިލިއަން ޑޮލަރ ޕްރޮޖެކްޓެއް، އަންނަ ރިސާޗަރުންނަށް އެކޮމޮޑޭޝަން ބޭނުންވުން
- ވެޓް ލޭންޑް އަދި އީކޯ ޓޫރިޒަމް ޑިވެލޮޕްމެންޓް: 6-9 މިލިއަން ރުފިޔާގެ ޕްރޮޖެކްޓެއް، އިތުރު ހަރަކާތްތައް އިތުރުކުރުން
- ބޮޓެނިކަލް ގާޑެން: 4-7 މިލިއަން ރުފިޔާގެ ޕްރޮޖެކްޓެއް، ބޮޓެނިކަލް ޕްލާންޓިންގ، ރިސާޗް ކުރުމާއި ކިޔެވާ ކުދިންނަށް ފުރުސަތު
- ހޯމް ސޯލަރ ޕްރޮގްރާމް: 350-500 މިލިއަން ރުފިޔާގެ އިންވެސްޓްމެންޓެއް، 2700 ހައުސް ހޯލްޑް
- ވޭސްޓް ވޯޓަރ ރިކަވަރީ: 4-8 މިލިއަން ރުފިޔާގެ ޕްރޮޖެކްޓެއް، އެ ފެން އެކި ކަންކަމަށް ބޭނުން ކުރެވުން
އެގޮތުން ރަފީގް ވިދާޅުވީ، ބިމުގެ ކަންކަމުގައިވެސް ކައުންސިލުން އެކަމަށް ފުރިހަމަ އެއްބާރުލުން ދޭނެ ކަމަށެވެ. ރަފީގް ވިދާޅުވީ ޕްރައިވެޓް ސެކްޓަރ ޕާޓްނަރޝިޕް މޮޑެލްގެ ދަށުން އެކަން ކުރިއަށް ގެންދަން ބޭނުންވާ ކަމަށެވެ.
