ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ މުވައްޒަފަކު ކޮވިޑަށް ޕޮޒިޓިވްވެ، އެސޯސިއޭޝަންގެ ޕްރެސްކޮންފަރެންސްއެއް ކަވަރު ކުރަން ބައިވެރިވީ ނޫސްވެރިން ކަރަންޓީނުކޮށްފިއެވެ.
އެފްއޭއެމްގެ މުވައްޒަފަކު ބައްޔަށް ޕޮޒިޓިވްވުމާއި ގުޅިގެން، ތަނުގެ ބައެއް މުވައްޒަފުންނާއި، ނޫސްވެރިން ކަރަންޓީނުވުމަށް އަންގާފައިވަނީ ގޭގައެވެ. ކޮވިޑަށް ޕޮޒިޓިވްވި މީހާއާއި ކޮންޓެކްޓުވެ ކަރަންޓީނު ކުރި ނޫސްވެރިންގެ ތެރޭގައި ހިމެނެނީ އެފްއޭއެމްގެ ޕްރެސްއަށް ދިޔަ ނޫސްވެރިންނެވެ.
އެފްއޭއެމްގެ ނޫސްވެރިންގެ ބައްދަލުވުން ބާއްވާފައިވަނީ މި މަހުގެ 02 ގައެވެ. އެއީ މިދިޔަ ހަފްތާގެ ބުރާސްފަތި ދުވަހުއެވެ. އަދި ކޮންގްރެސް ބާއްވާފައިވަނީ އޭގެ ޖެހިގެން އައި ދުވަހުއެވެ. މި ދެ އިވެންޓުގައި ވެސް އެފްއޭއެމްއިން ޕޮޒިޓިވްވި މީހާ ބައިވެރިވެފައި ވެއެވެ.
އެފްއޭއެމްއިން ކޮވިޑަށް ޕޮޒިޓިވްވި މީހާ ހުރީ ކަރަންޓީން ފެސިލިޓީއެއްގައެވެ.
ކޮވިޑާއި ގުޅިގެން އަޅާފައިވާ ބޮޑެތި ފިޔަވަޅުތަކަށް ލުއިތަކެއް ދީފައިވާއިރު، ޖަލްސާތަކާއި، ބައްދަލުވުން އަދި ނޫސްވެރިންގެ ބައްދަލުވުންތައް އިދާރާތަކުން ދަނީ ބާއްވަމުންނެވެ.
