ކޮވިޑް-19 ޖެހިގެން ރާއްޖެއިން އިތުރު ދިވެއްސަކު ނިޔާވެއްޖެއެވެ.
ހޮނިހިރުދުވަހުގެރޭ ހެލްތު ޕްރޮޓެކްޝަން އެޖެންސީން ކުރި ޓްވީޓެއްގައި ބުނީ ހޮނިހިރުދުވަހުގެރޭ 16:40 ހާއިރު 52 އަހަރުގެ ދިވެހި އަންހެނަކު ނޭވާލުމަށް ދަތިވާތީ އައިޖީއެމްއެޗުގެ އިމަރޖެންސީއަށް ގެންދެވުނުކަމަށެވެ. އަދި އޭނާ ނިޔާވެފައިވަނީ ހޮނިހިރުދުވަހުގެރޭގެ 11:20 ގައިކަމަށް ވެސް އެޗްޕީއޭގެ ޓްވީޓުގައި ބުނެފައިވެއެވެ.
މިއީ ކޮވިޑްގެ ބަލީގައި ރާއްޖެއިން ނިޔާވި 17 ވަނަ މީހާއެވެ. މީގެ ކުރިންވަނީ 11 ދިވެއްސެއްގެ އިތުރުން 5 ބިދޭސީއަކު ނިޔާވެފައެވެ.
