މާލެތެރޭގައި އަނެއްކާވެސް ކޮވިޑު ފެތުރެން ފެށުމުން، އޮގަސްޓު މަހުގެ 06 ވަނަ ދުވަހުގެ ނިޔަލަށް ސަރުކާރުގެ އޮފީސްތައް ނުހުޅުވުމަށް ރައީސުލްޖުމްހޫރިއްޔާ ނިންމަވައިފިއެވެ.
ރައީސް އޮފީހުން ބުނެފައިވަނީ ކޮވިޑު ފެތުރުން ކޮންޓްރޯލް ކުރުމަށް، އޮގަސްޓު 04 ދުވަހުން ފެށިގެން 06 ވަނަ ދުވަހުގެ ނިޔަލަށް އޮފީސްތައް ނުހުޅުވުމަށް ރައީސް ނިންމަވާފައިވާ ކަމަށެވެ. އަދި މި މުއްދަތުގައި ގޭގައި ތިބެގެން މަސައްކަތް ކުރުމަށާއި، ސަރުކާރުގެ އިދާރާތަކުން އޮންލައިންކޮށް ދެވެން އޮތް ހިދުމަތްތައް އޮންލައިންކޮށް ކުރިޔަށް ގެންދިއުމަށް ރައީސް ވަނީ އެދިވަޑައިގެންފައެވެ.
