ބަޣާވާތް ނުކުރާނެކަމުގެ ޔަޤީންކޮށްދޭން ފުލުހުން، ރައްޔިތުންގެ ކިބައިން ރަސްމީކޮށް މާފަށް އެދެންޖެހޭކަމަށް ދެކެވަޑައިގަންނަވާކަމަށް މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ(އިންތި) ވިދާޅުވެއްޖެއެވެ.
އިންތި މިހެން ވިދާޅުވީ އެއްވެސް ސަރުކާރު ވައްޓާލަން ފުލުހުން ދެން ނުނިކުންނާނެ ކަމަށް ކޮމިޝަނަރު އޮފް ޕޮލިސް މުހައްމަދު ހަމީދު މިއަދު ވިދާޅުވުމާ ގުޅިގެންނެވެ.
މިކަމާ ގުޅިގެން އިންތި ކުރެއްވި ޓްވީޓެއްގައި ވިދާޅުވީ އެ ޔަޤީންކަން އޮތްނަމަ ކިތަންމެހައި ވެސް ރަނގަޅު ކަމަށާއި ނަމަވެސް އެ ޔަޤީންކަން ރައްޔިތުންނަށް އެރުވުމަށް ބޭނުންވާ އެންމެ ކުޑަ މިންވަރަކީ “ޓުރުތު އެންޑް ރީކޮންސިލިއޭޝަން” ގެ އުސޫލުން އެ މުއައްސަސާއިން ރައްޔިތުންގެ ކިބައިން ރަސްމީކޮށް މާފަށްއެދުން ކަމަށެވެ.
އެ ޔަޤީންކަން އޮތްކަމަށްވާނަމަ ކިތަންމެހާ ވެސް ހެޔޮ، ރަނގަޅު.
ނަމަވެސް އެ ޔަޤީންކަން ރައްޔިތުންނަށް އެރުވުމަށް ބޭނުންވާ އެންމެ ކުޑަ މިންވަރަކީ، “ޓުރުތު އެންޑް ރީކޮންސިލިއޭޝަން" ގެ އުސޫލުން އެ މުއައްސަސާއިން ރައްޔިތުންގެ ކިބައިން ރަސްމީކޮށް މާފަށް އެދުން ކަމަށް ދެކެން. https://t.co/hcxNqv9usV
— ???????????????????????????????? ???????????????????? (@Imthiyazfahmy) November 6, 2020
2012 ވަނަ އަހަރުގެ ފެބްރުއަރީ 7 ވަނަ ދުވަހު ނަޝީދުގެ ސަރުކާރާއި ދެކޮޅަށް ގިނަ އަދަދެއްގެ ފުލުހުންނާއި ސިފައިން ވަނީ ނިކުމެ އިހުތިޖާޖުކޮށްފައެވެ. އަދި އެ ދުވަހު ހިނގާދިޔަ ކަންތައްތަކާ ގުޅިގެން ނަޝީދު ވަނީ ވެރިކަމުން އިސްތިއުފާ ދެއްވާފައެވެ.
ސީޕީ ހަމީދު އިއްޔެ ވިދާޅުވީ އެއީ މާޒީ ކަމަށާއި އެ މާޒީން ފުލުހުންނަށް ވަރަށް ގިނަ އިބުރަތްތަކެއް ލިބިފައިވާ ކަމަށް ގަބޫލުކުރައްވާ ކަމަށާއި އެ ޒާތުގެ ކަމެއް ފުލުހުން ދެން ކުރާނެ ކަމަށް ގަބޫލުނުކުރައްވާ ކަމަށެވެ.
advertisment