މަސްވެރިންނަށް އިހުމާލުވި ސަރުކާރަކަށް ”ނޫ ރާއްޖެ“ ސިޔާސަތު ހިންގުމުގެ ހައްގެއް ނެތް ކަމަށް މާވަށު ދާއިރާގެ މެމްބަރު އަދި ޕީއެންސީގެ ނައިބް ރައީސް މުހައްމަދު ސައީދު ވިދާޅުވެއްޖެއެވެ.
ސައީދު މިހެން ވިދާޅުވީ ރާއްޖޭގެ ކަނޑުފަޅުތަކާއި ކަނޑުތަކުގެ ދިރުން ހިމާޔަތްކޮށް، ރައްކާތެރިކުރުމަށް ”ނޫ ރާއްޖެ“ ނަމުގައި ޚާއްޞަ ޕްރޮގްރާމެއް އިފްތިތާޙުކުރުމާ ގުޅިގެންނެވެ.
އެގޮތުން ސައީދު ކުރެއްވި ޓްވީޓެއްގައި ވިދާޅުވީ މަސްވެރިންނަށް އިހުމާލުވި ސަރުކާރަކުން ”ނޫ ރާއްޖެ“ ސިޔާސަތު ހިންގުމުގެ ހައްގެއް އޮތް ކަމަށް ގަބޫލު ކުރާނެ ފަޅުވެރިޔެއް، ކެޔޮޅެއް އަދި އޮޑިވެރިއެއް ނެތްކަން ވެރިކަން ކުރާ ޕާޓީ ވެސް ގަބޫލު ކުރާނެ ކަމަށެވެ.
”2021 ގެ (ހޭދަ ބޮޑު) 34 މިލިއަން ރުފިޔާގެ ބަޖެޓްގައި މަސްވެރިކަމަށް އޮތޯ ވަރަށް ކުޑަ މިންވަރެއް. ބޮޑީ ސަރުކާރު ހަރަދު.“ ސައީދު ވިދާޅުވިއެވެ.
Masverinnah ihumaaluvi sarukaarakun, “Noo Raajje” siyaasathu hingumuge haggeh oiykamah gaboolu kuraane falhuverieh, keyolheh, odiveri eh neikan verikan kuraa party ves gaboolu kuraane.2021ge(heydha bodu) 34B ge budget gai masverikamah othee v kudaminvareh. Bodee sarukaaru haradhu https://t.co/uGjvWdCqWS
— Mohamed Saeed (@em_saeed) December 16, 2020
”ނޫ ރާއްޖެ“ އިފްތިތާހު ކުރުމަށް ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވިދާޅުވީ ދިވެހިންގެ ދިރިއުޅުމުގެ ހުރިހާ ކަމަކާއި، ޤައުމުގެ އިޤްތިޞާދާއި ކަނޑުފަޅުތަކާ އޮތް ގުޅުމުގެ މުހިންމުކަމަށެވެ. އަދި، ބްލޫ ޕްރޮސްޕެރިޓީ ކޯލިޝަންއާއެކު އެއްބަސްވުމެއް އެކުލަވައިލައި، މަސައްކަތް ކުރައްވަން ނިންމެވީ، ދިވެހިން މި ކަނޑުފަޅުތަކަށް ބަރޯސާވާ މިންވަރު ބޮޑުކަމުން ކަމުގައި ވިދާޅުވިއެވެ.
