އަދާލަތު ޕާޓީގެ ރައީސާއި ނާއިބު ރައީސް ކަމަށް ކުރިމަތިލުމުގެ މުއްދަތު އަނެއްކާވެސް އިތުރުކޮށްފިއެވެ.
މީގެ ކުރިން އެ އިންތިހާބަށް ކުރިމަތިލެވޭނެ އެންމެ ފަހުގެ ތާރީހެއްގެ ގޮތުގައި ކަނޑައަޅާފައި އޮތީ މިއަދުގެ ނިޔަލަށެވެ.
އެެ ޕާޓީން މިއަދު ނެރުނު އިއުލާނެއްގައި ބުނީ، މިމަހުގެ 30 ވަނަ ދުވަހު ބާއްވަން ހަމަޖައްސާފައިވާ އިންތިހާބަށް ކުރިމަތިލުމުގެ ފުރުސަތު މިމަހުގެ 21 ވަނަ ދުވަހުގެ ހަވީރު 16:00 ނިޔަލަށް އިތުރުކޮށްފައިވާ ކަމަށެވެ.
އެހެންކަމުން އެ މުއްދަތުގެ ކުރިން މަގާމުތަކަށް ކުރިމަތިލާން ބޭނުންވާ ފަރާތްތަކުން އެކަމަށް ކަނޑައަޅާފައިވާ ފޯމާއި ކުށުގެ ރެކޯޑު ހުށަހެޅުމަށް އިއުލާނުގައިވެ އެވެ.
