މިއަދު ރައީސް އިބްރާހިމް މުހައްމަދު ސޯލިހުގެ ރިޔާސީ ބަޔާނުން ހިޔާ ފްލެޓްތައް އަތުލި ނިކަމެތި ރައްޔިތުންގެ އިހުސާސް ތަކާއި ފްލެޓްތައް ލިބޭ ރައްޔިތުންގެ އިންތިޒާރަށް އެއްވެސް ސަމާލުކަމެއް ނުދެއްވާކަން ސާފުވެގެން ދިޔަ ކަމަށް ކުރީގެ ހައުސިން މިނިސްޓަރު އަދި ޕީޕީއެމްގެ ނައިބް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރިޔާސީ ބަޔާނަށް ފާޑުވިދާޅުވެ މުއިއްޒު ކުރެއްވި ޓްވީޓެއްގައި ވިދާޅުވީ ރައީސުލްޖުމްހޫރިއްޔާގެ ރިޔާސީ ބަޔާނުގައި ހިޔާ މަޝްރޫޢުގެ ވާހަކަ އެއްވެސް ވަރަކަށް ނުގެންނެވީތީ ހިތާމަކުރާ ކަމަށާއި ހިޔާ ފްލެޓްތައް އަތުލި ނިކަމެތި ރައްޔިތުންގެ އިހުސާސް ތަކާއި ފްލެޓްތައް ލިބޭ ރައްޔިތުންގެ އިންތިޒާރަށް އެއްވެސް ސަމާލުކަމެއް ނުދެއްވާކަން ސާފުވެގެން ދިޔަ ކަމަށެވެ.
”ރައީސުލްޖުމްހޫރިއްޔާގެ ރިޔާސީ ބަޔާނުގައި ގުޅީފަޅުގައި ޕޯޓް ހެދުމަށް ކުރިއަށް ދާނެކަމެއް އިއުލާން ކުރެއްވި ކުރެއްވުމަކީ މާލެ ރައްޔިތުންގެ ބޯހިޔާވަހިކަމުގެ ހައްގާއި އެ ކަމުގެ އުންމީދާއިމެދު މި ސަރުކާރުގެ ސިޔާސަތު އޮތްގޮތް ވަރަށް ސާފުވެގެންދާ ކަމެއް.“ މުއިއްޒު ވިދާޅުވިއެވެ.
Raeesul Jumhooriyyaa ge riyaasee bayaanugai Hiyaa Mashroou ge vaahaka evves varakah nugenneveethee hithaama kuran. Hiyaa flat thah athuli nikamethi rayyithunge ihsaas thakaa flat thah libey rayyithunge inthizaar ah evves samaalukameh nudhevvaakan saafuvegen dhiya. (1/2)
— Dr Mohamed Muizzu (@MMuizzu) February 4, 2021
ރައީސްގެ ބަޔާނުގައި ހިޔާ ފްލެޓު ތަކުގެ އެއްވެސް ވާހަކައެއް ވިދާޅުނުވި ނަމަވެސް އެމަނިކުފާނު ވިދާޅުވީ މާލޭގެ ބޯހިޔާވަހިކަމަށް ޙައްލެއް ހޯދުމަށް ރޭވި މަޝްރޫޢުތައް، ދިމާވި ބައެއް ސަބަބުތަކާ ހެދި މަޑުޖެހުމަށްފަހު، އެމަޝްރޫޢުތަކުގެ މަސައްކަތް މިހާރު ކުރިއަށްދާކަމަށެވެ.
އޭގެ ތެރެއިން، 1000 ހައުސިންގ ޔުނިޓްގެ ޢަމަލީ މަސައްކަތް ފަށާފައިވާއިރު، ހުޅުމާލޭގައި ހަދާ އެފޯޑަބަލް ރޭންޖުގެ 2000 ހައުސިން ޔުނިޓު ޢިމާރާތްކުރުމުގެ އެއްބަސްވުމުގައި މިހަފްތާގައި ވާނީ ސޮއިކޮށްފައި ވާކަމަށް ރައީސް ޞާލިހު ވިދާޅުވިއެވެ. ރައީސް ވިދާޅުވީ އިތުރު 2000 ހައުސިން ޔުނިޓާއެކު، މިއަހަރު ނިމުމުގެ ކުރިން މަދުވެގެން 5000 ހައުސިން ޔުނިޓްގެ އަމަލީ މަސައްކަތް މާލެ ސަރަހައްދުގައި ފެށޭނެކަމަށެވެ.
