މިހާރު ފެތުރެމުންދާ ރޯގާގައި ކުޑަކުދިންނަށް ބޮޑުވަރުވާ ކަމަށާއި މިހާރުވެސް ހަ ކުދިންނަށް އައިސީޔޫގައި ފަރުވާ ދެމުންދާ ކަމަށް އައިޖީއެމްއެޗްގެ ކުޑަކުދިންގެ ހާއްސަ ޑޮކްޓަރު، ޑރ.އަހްމަދު ފައިސަލް ވިދާޅުވެއްޖެ އެވެ.
ރާއްޖޭގައި ރޯގާ ފެތުރޭ މިންވަރު އިތުރުފައިވާ މި ދަނޑިވަޅުގައި އެކަމުގެ ކަންބޮޑުވުން ފާހަގަކުރައްވައި ޑރ.ފައިސަލް ކުރެއްވި ޓުވީޓެއްގައި ވިދާޅުވީ ރޯގާ އަދިވެސް މަދުނުވާ ކަމަށާއި ތުއްތު ކުދިންގެ އެހެނިހެން ބަލިތައް ހުންނަނަމަ ރޯގާ ޖެހުމުން ބޮޑުވަރުވާ ކަމަށެވެ. އެހެން ކަމުން ރައްކާތެރިވެވެންހުރި ކަންތައްތަކަށް ސަމާލުވާން ޖެހޭ ކަމަށް އޭނާ ވިދާޅުވިއެވެ. އޭގެތެރޭގައި ގެއަށް ރޯގާ ގެނައުން މަދުކުރަމާ އަތްދޮވުމާއި މާސްކް އެޅުމާއި ކުދިން އުރާލަން ބައިހަދާފައި ނުދިއުމާއި މީހުން އެއްވާތަންތަނަށް ނުދިއުމަށް ޑރ.ފައިސަލް އިލްތިމާސްކުރެއްވިއެވެ.
6 ކުދިން ICU ގައި
ރޯގާ އަދިވެސް މަދެއްނުވޭ
ތުއްތު ????ނާ އެހެނިހެން ބަލިތައް ހުންނަނަމަ ބޮޑުވަރުވޭ
ރައްކާތެރިވެވެންހުރި ކަންތައްތަކަށް ސަމާލުވެލައްވާ
ގެއަށް ރޯގާ ގެންނައުން މަދުކުރަމާ
އަތްދޮވުން، ????، ???? އުރާލަން ބައިހަދާފައި ނުދިއުން، މީހުން އެއްވާތަންތަނަށް ނުދިއުން— Ahmed Faisal (@Faisalnaifaru) October 28, 2021
މި ދުވަސްވަރަކީ އަރިދަފުސް ރޯގާ، ވައިރަލް ހުން އަދި އިންފްލުއެންޒާ ފަދަ ބަލިތައް ވަރަށް ބޮޑަށް ފެތުރެމުންދާ ދުވަސްވަރެއް ކަމުން ރައްކާތެރި ފިޔަވަޅުތަކުގައި ހިފެހެއްޓުމަށް ހެލްތް ޕްްރޮޓެކްޝަން އެޖެންސީ (އެޗްޕީއޭ) އިން އިލްތިމާސްކޮށްފައެވެ.
އެޗްޕީއޭގެ ތަފާސްހިސާބުތަށް ދައްކާގޮތުން މިމަހު 15 ވަނަ ދުވަހުގެ ނިޔަލަށް އަރިދަފުސްރޯގާ ޖެހިގެން ރިޕޯޓްކުރި މީހުންގެ އަދަދު 11،008 އަރާފައިވާ ކަމަށާއި އިންފްލުއެންޒާއަށް ޓެސްޓްކުރި 432 މީހުންގެ ތެރެއިން 192 މީހަކު އެ ބައްޔަށް ޕޮޒިޓިވްވެފައިވާ ކަމަށެވެ. ތަފާސް ހިސާބުތަކާ ހަވާލާދީ އެ ބަޔާނުގައި ބުނީ މި އަހަރުގެ މިހާތަނަށް 1،198 މީހަކު އިންފްލުއެންޒާއަށް ޓެސްޓްކޮށްފައި ވާއިރު 365 މީހަކު އެ ބައްޔަށް ޕޮޒިިޓިވް ވެފައިވާ ކަމަށެވެ.
ކޮވިޑް-19 އެކޭ އެއްގޮތަށް އަރިދަފުސް ރޯގާ އަދި އިންފްލުއެންޒާއަކީވެސް ނޭވާލާ ނިޒާމުގެ ތެރެއިން ފެތުރޭ ބައްޔެއް ކަމުން ކޮވިޑުން ރައްކާތެރިވުމަށް އަޅަމުންދާ ފިޔަވަޅުތައް އެޅުމަށް ވަނީ އެދިފައެވެ.
advertisment