މަދިރިން ފެތުރޭ ބައްޔެއްކަމުގައިވާ ޑެންގޫ ޖެހޭ ކުޑަކުދިންގެ އަދަދު އިތުރުވެ، އެކުދިންގެ ހާލު ސީރިއަސްވަމުންދާތީ އައިޖީއެމްއެޗްގެ ކުޑަކުދިންގެ ޚާއްސަ ޑރ އަހްމަދު ފައިސަލް ކަންބޮޑުވުން ފާޅުކޮށްފިއެވެ.
މިކަމާ ގުޅިގެން ޑރ ފައިސަލް ކޮށްފައިވާ ޓުވީޓުގައިވަނީ ރޭގައިވެސް އަހަރެއްނުވާ ކުޑަކުއްޖަކަށް ޑެންގޫޖެހި ހާލު ސީރިއަސްވެގެން އައިސީޔޫއަށްލާފައިވާ ކަމަށެވެ. އަދި މީގެ އިތުރުން އެކުއްޖާ ހޮޑުލާއިރު ލޭ އަންނާތީ ލޭވެސް އަޅަންޖެހުނުކަމަށް ޑރ ފައިސަލްގެ ޓުވީޓުގައިވެއެވެ.
ރޭަގައިވެސް އަހަރެއް ނުވާ 👶 އެއް ICU އަށްލައިފިން.
ޑެންގޫހުންޖެހި ހޮޑުލާއިރު ލޭވެސް އަންނާތީ. ލޭވެސްއަޅަންޖެހުނު.
ކުރިން ICU އަށް ލީ 2 👶 ރަނގަޅުވަމުންދަނީ، މިހާރު ވޯޑުގައި. الحمد لله.🦟 އާލާވިޔަނުދިނުމަށާ، 🦟 ހެފިނުދިޔުމަށް ސަމާލުކަންދެއްވާތި. https://t.co/hVsljUNGsQ
— Ahmed Faisal (@Faisalnaifaru) August 3, 2022
މަދިރި އިތުރަށް އާލާވިޔަ ނުދިނުމަށާއި މަދިރި ހެފިޔަނުދިނުމަށް ސަމާލުކަން ދިނުމަށް ޑރ ފައިސަލްގެ ޓުވީޓުގައިވަނީ އިލްތިމާސްކޯށްފައެވެ.
ޑެންގޫ ހުން ޖެހިގެން މިއަހަރު އެއް ކުއްޖަކުވަނީ ނިޔާވެފައެވެ.
advertisment