ރާއްޖެއިން ކޮވިޑުގެ އިތުރު 536 ކޭސް ފެނިއްޖެއެވެ.
ރޭ އާންމުކުރި ތަފާސްހިސާބުތަކަށް ދައްކާގޮތުގައި 536 މީހުންނަށް ކޮވިޑު ޖެހިގެން ވަނީ ރިޕޯޓުކޮށްފަ އެވެ. އަދި މީގެ ތެރެއިން 267 މީހުންނަކީ މާލެ ސަރަހައްދުން ބައްޔަށް ޕޮޒިޓިވްވި މީހުންނެވެ. އަތޮޅުތަކުން 158 މީހުން ޕޮޒިޓިވްވިއިރު ރިސޯޓްތަކުން 83 މީހުންނަށް ބަލި ޖެހިގެން ރިޕޯޓު ކުރި އެވެ.
ބައްޔަށް ފަރުވާ ހޯދަމުންދާ މީހުންގެ ގޮތުގައި މިވަގުތު 4،656 މީހުން ތިބިއިރު އެޑްމިޓްކޮށްގެން ފަރުވާ ދެމުންދަނީ 21 މީހަކަށެވެ.
✳️ COVID-19 : Case Updates pic.twitter.com/pWHVTBdaMi
— Health Protection Agency (@HPA_MV) January 12, 2022
ރާއްޖޭގައި ކޮވިޑުގެ ހާލަތު ދުވަހުން ދުވަހަށް ދަނީ ގޯސް ވަމުންނެވެ. ދުނިޔޭގައި ހަލުއި ކަމާއި އެކު ފެތުރެމުން އައި ކޮވިޑުގެ އައު ވޭރިއެންޓް ކަމަށްވާ ’އޮމިކްރޯން‘ ވެސް ރާއްޖެއިން މިވަނީ ފެނިފައެވެ. އެގޮތުން މާލެއިންވެސް އޮމިކްރޯނުގެ ކޭސްތަކެއް ފެނިފައެވެ. އަދި ކ. މާފުށިންނާއި ދ. ކުޑަހުވަދޫ އިންވެސް ކޮވިޑްގެ ކޭސްތައް ފެނިފައިވާކަމަށް ރިޕޯޓުކުރެވިފައިވެއެވެ.
