ހަންގޭރީގައި ބާކީ ތިބި ދިވެހި ދަރިވަރުން މާދަމާގެ ވަގުތެއްގައި ރާއްޖެ އާދެވޭނެ ކަމުގައި ހަޔާ އެޑިއުކޭޝަން މިނިސްޓާ ޑރ. އިބްރާހީމް ހަސަން ވިދާޅުވެއްޖެ އެވެ.
ރަޝިޔާ އާއި ޔޫކްރެއިން ދެމެދުގައި ހަނގުރާމަ ފެށި ދެގައުމުގެ މަޝްރަހު ގޯސްވެފައި ވާ މި ދަނޑިވަޅުގައި ޔޫކްރެއިން އާއި ކައިރި ސަރަހައްދުތަކުގައި އަދިވެސް ރާއްޖޭގެ ދަރިވަރުން އެބަ ތިއްބެވެ.
ފުރަތަމަ ހަނގުރާމަ ފަށިދާނެ ކަމުގެ އިންޒާރު ރަޝިޔާގެ ރައީސް ވްލަޑިމިއަރ ޕޫޓިން ދިން އިރު ޔޫކްރެއިންގައި ރާއްޖޭގެ 50 ދަރިވަރެއް ތިއްބެވެ. ނަމަވެސް މިހާރު އޭގެ ތެރެއިން ހުރިހާ އެންމެން ރާއްޖެ ގެނެސްފައިވާކަމަށް ފޮރިން މިނިސްޓްރީން ބުނެ އެވެ.
ޔޫކްރެއިންގައި ކިޔަވަން ތިބި ދަރިވަރުންގެ ތެރެއިން ރާއްޖެ އައިސްފައިވާ ދަރިވަރުންނާއި މިނިސްޓަރ ބައްދަލުކުރައްވައިފި https://t.co/ge88mWLGP6 pic.twitter.com/vzWJOIJrvG
— Ministry of Higher Education (@MoHEmv) March 3, 2022
މިނިސްޓަ އިބްރާހީމް ހަސަން ވަނީ ރާއްޖެއަށް ރައްކާތެރިކަމާއި އެކު ގެނެވުނު ދަރިވަރުންނާއި މިއަދު ބައްދަލު ކުރައްވާފައެވެ. އަދި ބާކީ ތިބި ކުދިންނާއި ވެސް ވީހާވެސް އަވަހަކަށް ބައްދަލުވާނެ ކަމަށް އުއްމީދު ކުރާކަމަށް ވިދާޅުވި އެވެ.
މިނިސްޓްރީން މައުލޫމާތު ދިން ގޮތުގައި ހަމަލާތައް ބައްދަލުވަމުންދާ، ގެއްލުމެއް ލިބިދާނެ އެއްވެސް ހިސާބެއްގައި ދިވެހި ދަރިވަރަކު މިހާރު ނެތެވެ.
I met some of the students from Ukraine today & am looking forward to meeting others soon. We are very pleased that all Maldivian students in Ukraine were able to leave the country safely. The last group of students, now safely in Hungary, will reach Maldives tomorrow, IA. pic.twitter.com/MA3eNjhWIa
— Ibrahim Hassan, PhD (@DrChubby) March 3, 2022
ފޮރީން މިނިސްޓްރީން ވަނީ މި ދަރިވަރުން ރާއްޖެ ގެނައުމަށްޓަކައި މާލީ އެހީތެރިކަން ވެސް ފޯރުކޮށްދީފަ އެވެ. އަދި އެ މިނިސްޓްރީން ދަނީ މިހާރު ވެސް ހަންގޭރީގައި ތިބި ދަރިވަރުންގެ ހާލަތު ގާތު ބައްލަވަމުންނެވެ.