ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަލީ ޒާހިރުގެ ޓްވިޓާ އެކައުންޓުން މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދަށް ނިސްބަތް ކުރައްވާ ހަޑިހުތުރު ބަހުން ޓުވީޓްތަކެއް ކޮށްފިއެވެ.
މިއަދު ހެނދުން ފެށިގެން އަލީ ޒާހިރުގެ ޓްވިޓާ އެކައުންޓުން ދިޔައީ ޓްވީޓްތަކެއް ކުރަމުންނެވެ. އެގޮތުން އެ އެކައުންޓުން ކުރި ފުރަތަމަ ޓްވީޓްގައި ރައީސް ނަޝީދާއި އެމަނިކުފާނަށް ތާއީދު ކުރާ އެމްޑީޕީގެ އެކްޓިވިސްޓިކަށް ވަނީ ރައްދު ދީފައެވެ. އަދި ބައެއް ހުތުރު ބަސްތައްވެސް ބޭނުން ކޮށްފައިވެއެވެ.
ދެވަނަ އަދި ތިންވަނަ ޓްވީޓްގައިވެސް އެފަދަ އިބާރާތްތައް ބޭނުން ކޮށްފައިވެއެވެ.
މިކަމާ ގުޅިގެން އަލީ ޒާހިރު ވިދާޅުވީ އޭނާގެ ޓްވިޓާގެ އެކައުންޓް މިއަދުގެ ވަގުތެއްގައި ހެކްކޮށް ޓްވީޓްތަކެއް ކޮށްފައިވާ ކަމަށާއި މިހާރު އެ މައްސަލަ ފުލުހަށް ހުށަހަޅާފައިވާ ކަމަށެވެ.
Earlier today, my twitter account was compromised and unauthorized tweets sent out. My account is now secured with extra security measures and a complaint lodged with the Police.
I believe this was an attempt to wrongly portray me as having a role in the upcoming MDP elections.— Ali Zahir (alipi) (@alixahir) March 22, 2022
