ފަރުދީ ޒިންމާ އަދާކޮށް އާއްމު ރައްޔިތުންގެ ފަރާތުން ސްޓެލްކޯއަށް ހުށައެޅޭ މައްސަލަތައް ބަލައިދުނުމުގައި ހާޒިރުވެ އެކަންކަން ހައްލުކޮށްދޭނެކަމަށް އަހްމަދު ޝަރީފް ވިދާޅުވެއްޖެއެެވެ.
މާލޭގެ ބައެއް މަގުތަކުގައި ހުރި ޑިސްޓްރިބިއުޝަން ބޯޑުތައް ހަލާކުވެ، އާއްމުންނަށް ގެއްލުމެއް ވެދާނެ ގޮތަކަށް ހުރުމުމް މީގެ ކުރިން ވެސް އެކަން ސްޓެލްކޯގެ ސަމާލުކަމަށް ގެނެސްފައި ވެއެވެ. އާއްމުންގެ ފަރާތުން އަންނަ މިފަދަ ޝަކުވާތައް ވަގުތުން ހައްލު ކުރާނެކަން ފާހަގަކޮށް ޝަރީފް ވިދާޅުވީ ކުންފުނި އަބަދުވެސް ދެމި އޮންނާނީ ރައްޔިތުންނަށް ހިދުމަތް ކުރުމުގައި ކަމަށެވެ.
ކަރަންޓު ޑިސްޓްރިބިއުޝަން ބޯޑެއްގެ ދޮރު ހަލާކުވެފައި ހުރުމުން، ޓޭޕު އަޅާފައިވާ މަންޒަރު ފެންނަ ފޮޓޯއެއް ހިއްސާކޮށް އެކަން ހައްލުކޮށްދޭން އެދި އާއްމުގެ ފަރާތަކުން ކުރި ޓްވީޓަކަށް ޝަރީފު ވިދާޅުވީ މާލޭގައި މިފަދަ 2،000 އަށް ވުރެން ގިނަ ޑިސްޓްރިބިއުޝަން ބޯޑު ހުންނާނެކަމަށާއި އެހެންކަމުން ބޯޑެއް މަރާމާތު ކުރަން ޖެހިފައިވާކަން އެކުންފުނީގެ ސަމާލުކަމަށް ނައިސް ހުރުން އެކަށީގެންވާ ކަމަށެވެ.
Ammu riyyuthu meehaa aai @STELCOMALDIVES aa communication link eh ufedhifa vaathee ufaakuran, male thereyga 2000 ah vure gina DB hunnaane, company ge samaalu kamah nais DB thakeh maraamaathu kuran jehifa hurumakee vedhaane kameh, alert kurahvaa islaahu kohdheynan
— Ahmed Shareef (@ShareefRangondi) April 24, 2022
ޝަރީފް ވިދާޅުވީ އާއްމު ރައްޔިތު މީހާއާއި ސްޓެލްކޯއާއި ދެމެދު މިފަދަ މުއާމަލާތްތައް ކުރެވޭނެ މަގު އަދުވެސް އޮންނަނެކަމަށާއި، އެކަމަށް އުފާ ކުރާކަމަށެވެ. އާއްމުންނަށް ދިމާވާ މިފަދަ ދަތިތަކާއި، ފާހަގަ ކުރެވޭ މައްސަލަތައް ރިޕޯޓު ކުރުމުން އެކަން ހައްލު ކުރާނެކަމަށް ޝަރީފް ވިދާޅުވި އެވެ.
ނަސީމީ ހިނގުންގައި ހުރި އެ ބޯޑަށް ވަގުތީ ހައްލެއް ސްޓެލްކޯއިން މިހާރު ވަނީ ގެނެސްފަ އެވެ. ބޯޑު ބަދަލު ކުރާ ވަގުތު ދެ ގަޑިއިރަށް އެ ސަރަހައްދުގެ ގެތަކުން ކަރަންޓު ކެނޑޭނެތީ، ބޯޑު ބަދަލު ކުރުމުގެ މަސައްކަތްތައް ރޯދަ މަހަށް ފަހުކުރިޔަށް ގެންދަން ޝެޑިއުލް ކުރެވިފައިވާކަމަށް ޝަރީފް މައުލޫމާތު ދެއްވި އެވެ.
advertisment