އައްޑޫ މަގުތައް ހަދާ ނިމޭއިރު މަގުތަކަކީ ރައްޔިތުންނަށް މުސީބާތަކަށް ވެދާނެ ކަމުގެ ބިރު އެބަ އޮތް ކަމަށް އެ ސިޓީގެ މޭޔަރު އަލީ ނިޒާރު ވިދާޅުވެއްޖެއެވެ.
އައްޑޫގެ މަގުތައް ހަދަމުންދާ ގޮތުން ރައްޔިތުންގެ ޝަކުވާ އިންތިހާއަށް ކުރިމަތިވެފައިވާކަމަށް ފާހަގަކުރައްވާ ނިޒާރު ކުރެއްވި ޓުވީޓުގައި ވަނީ އައްޑޫ މަގު ހެދުމުގެ މަސައްކަތަކީ ސަރުކާރުން ރައްޔިތުންނަށް ކޮށްދެއްވާ ވަރަށް ބޮޑު ހޭދައެއްކަމަށެވެ.
ނަމަވެސް މި މަސައްކަތުގެ ފެންވަރާއި މަސައްކަތް ކުރަމުންދާ ގޮތާމެދު ރައްޔިތުންގެ ޝަކުވާތައް އިންތިހާ އަށް އެބައޮތް ކަމަށް އޭނާ ވަނީ ފާހަގަކުރައްވާފައެވެ.
އެގޮތުން ކައުންސިލުން ތަކުރާރުކޮށް މި ޝަކުވާތައް ޕްލޭނިންގ މިނިސްޓްރީއަށް ހުށައަޅަމުންދާ ކަމަށާއި އެހެން ނަމަވެސް ހައްލެއް ނުލިބި މަސައްކަތް ނިމޭއިރު މި މަގުތަކަކީ ރައްޔިތުންނަށް މުސީބާތަކަށް ވެދާނެ ކަމުގެ ބިރު އެބައޮތް ކަމަށް ނިޒާރު ވަނީ ވިދާޅުވެފައެވެ. އަދި ޕްލޭނިންގ މިނިސްޓްރީއަށް މަސައްކަތް ބެލެންވާ ވަރަށް ނުބެލޭ ކަމަށްވެސް ނިޒާރު ވިދާޅުވެފައިވެއެވެ.
Addu magu hedhumuge masakkathakee Sarukaarun Rayyithun nattaki koh dhevvaa varu bodu heydha eh. Mi masakkathuge Contractor adhi Consultant akee eggaumakah nisbai vaa gulhun oi ba eh. Masakkathuge fenvaraai , masakkai kuramun dhaa gothuge shakuvaa bodu. 1/3
— Ali Nizar (@DhekunuNizar) August 13, 2022
ޕްލޭނިންގ މިނިސްޓްރީއަށް މަސައްކަތް ބެލެންވާ ވަރަށް ނުބެލޭ ކަމަށްވެސް މި މައްސަލައާއި ގުޅިގެން ކުރެއްވި ޓުވީޓުގައި ނިޒާރު ފާހަގަކުރައްވާފައިވެއެވެ.
Council in thakuraaru koh mi shakuvaathah masakkathuge veri faraai @MoNPHImv aai hissaa eba kuramu. Ehen nama ves hallei nulibi mi masakkai nimey iru mi maguthah Addu rayyithun nah museebaathakah vedhaane kamuge biru eba oi. Mi masakkai @MoNPHImv balan vaa varah nubeley. 2/3
— Ali Nizar (@DhekunuNizar) August 13, 2022
ރައްޔިތުން އެދެނީ މަގުތައް ރަނގަޅު ފެންވަރަކަށް ގިނަ ދުވަހަށް އޮންނަ ގޮތަށް މަސައްކަތް ކުރިއަށް ގެންދިއުން ކަމަށާއި އަދި އެއީ ސަރުކާރުންވެސް ބޭނުންވާނެ ގޮތް ކަމަށް ފާހަގަކުރައްވާ ނިޒާރު ވިދާޅުވެފައިވަނީ އެހެންނަމަވެސް މިހާރު މަސައްކަތް ދާ ގޮތަށް ދާނަމަ އެ އުއްމީދުގައި ކުލަޖެހި ނުދާނެކަމަށެވެ.
Addu ge maguthah hadhaa nimey iru rangalhu fenvarakah , gina dhuvaha onna gothah magu nimumakee Addu Rayyithun edhey goi. Adhi ei Sarukaarun ves beynun vaane goi. Ehen namaves mi dhaa gothah dhaanama E ummeedhugai kula jehi nudhaane. 3/3
— Ali Nizar (@DhekunuNizar) August 13, 2022
އައްޑޫ މަގު ހެދުމުގެ މަޝްރޫއަކީ އިންޑިއާ އެގްޒިމް ބޭންކްގެ 800 މިލިއަން ރުފިޔާގެ ލައިން އޮފް ކްރެޑިޓްގެ ދަށުން އެ ގައުމުގެ އެފްކޮންސް އިންފްރާސްޓަކްޗަ ލިމިޓެޑާ ހަވާލުކޮށްގެން ކުރިއަށް ގެންދާ ޕްރޮޖެކްޓެކެވެ. މި ޕްރޮޖެކްޓްގެ ދަށުން އައްޑޫގެ އަވަށްތަކުގެ މަގުތަކުގެ އިތުރުން ހަންކެޑެ އާއި ގައުކެނޑި ގުޅިފައި އޮތް ކޯޒްވޭ ބަދަލުކުރުރެވިގެންދާނެއެވެ.
advertisment