ދިވެހިރާއްޖެއަށް ބަރުލަމާނީ ނިޒާމު ގެނައުމަށް ރައީސް މުހައްމަދު ނަޝީދު ކުރައްވަމުންދާ މަސައްކަތްތަކުގެ ތެރޭގައި، ޕާޓީ ލިސްޓުގައި މަޖިލީހަށް މެމްބަރުން ނަގާ ވާހަކަތައް ދެއްކުމާއިއެކު، އެމްޑީޕީގެ ކުރީގެ ރައީސް އިބްރާހިމް އިސްމާއިލް ރައީސް ނަޝީދަށް ފާޑުވިދާޅުވެއްޖެއެވެ.
ރައީސް ނަޝީދަކީ ގިނަ ފުރުސަތުތަކުގެ މަތިން، ޑިމޮކްރެސީގެ ވާހަކަތައް ދައްކަވާ، އެ ނިޒާމަށް ވަކާލާތު ކުރަމުންދާ ފަރާތެއްކަމަށް ފާހަގަކުރައްވާ، އިބްރާހިމް އިސްމާއިލްވަނީ އެ ފަދަ ފަރާތެއް، ޕާޓީ ލިސްޓެއްގައި ވަކި ފަރާތްތަކެއްގެ ނަން ހިމަނައިގެން ރައްޔިތުންގެ ބަހަކާއި ނުލައި، މަޖިލީހަށް މެމްބަރުން ނަގާ ވާހަކަތައް ދެއްކުމުން ދޭހަވާ މާނައާއި މެދު ސުވާލު އުފައްދަވާފައެވެ.
ރައީސް ނަޝީދު ކުރައްވަމުންދާ މަސައްކަތްތަކަށް ފާޑުކިޔުންތަކެއް އަމާޒުކުރައްވާ، އިބްރާ ވިދާޅުވީ، ރައީސް ނަޝީދުގެ ވިޝަންއަކީ، ރައްޔިތުން ބާރުވެރި ކުރުވުމެއް ނޫންކަމަށެވެ. އަދި ރައީސް ނަޝީދުގެ ބޭނުމަކީ، ޕާޓީ މެދުވެރިކޮށް، މަދު ބައެއްގެ އަތުގައި ދިވެހިރާއްޖޭގެ ބާރުތައް ބޭއްވުންކަމަށްވެސް އެނާ ފާހަގަކުރެއްވިއެވެ. އަދި ބަރުލަމާނީ ނިޒާމެއް ގެނައުމަށް އިދިކޮޅުގެ ލީޑަރު ރައީސް ޔާމީންވެސް ބޭނުންވާކަމަށާއި، މަގުސަދަކީ، ވޯޓަކާއި ނުލައި، ވެރިކަމެއް ހޯދުންކަމަަށްވެސް އެނާ ފާހަގަކުރެއްވިއެވެ.
Anni kahala democracy ge vaahaka dhakkaa meehaku Party Listuga Majlihah memberun nagaa vaahaka dhekkeema ekiyenee keekey?
Anni ge vision akee rayyithunge baareh noon. Party medhuverikoh madhu baehge aiymathee baaru beyvvun.
Mikamugai YAG ves thaaeedh. Vote nulai verikan hoadhun
— Maverick Ibra (@ibramandhu) August 16, 2022
Raees Yaameenaa vaadha kuraa vaahaka dhekkeema kudaikoh koshiaraa goiy vey.
RY, RN mimeehunah dhen Majlihun gon'diehves libeynee Party List ovegen.
— Maverick Ibra (@ibramandhu) August 16, 2022
ބަރުލަމާނީ ނިޒާމަކީ، ޑިމޮކްރެސީގެ ނިޒާމުގެ މުހިންމު އުސޫލުތަކެއް ގެއްލިގެންދާނެ ނިޒާމެއްކަމަށް ފާހަގަކުރައްވާ ވާހަކަދައްކަވަމުން، އިބްރާހިމް އިސްމާއިލްވަނީ، ރައީސް ޔާމީނަށާއި، ރައީސް ނަޝީދަށް ފާޑުކިޔުންތަކެއް އަމާޒުކުރައްވާފައެވެ. އެގޮތުން ރައީސް ޔާމީނާއި، ރައީސް ނަޝީދަށް މަޖިލީހުން ގޮނޑިއެއްވެސް ލިބޭނީ އެ ފަރާތްތަކުގެ ނަން، ޕާޓީ ލިސްޓެއްގައި ހިމެނިގެންކަމަށް އެނާ ފާހަގަކުރެއްވިއެވެ.
Party listah MP in nagaa Barulamaanee nizaam ge nurakkaa Sri Lanka in mihaaru efennanee.
Verikamugai mihaaru huri meehaa akee Majlihah kurimathileema rayyithun nuhovi meeheh. Majlihah vanee Party Listuga.
Rayyithun nukume Raees dhurukureema, mihaaru ehuree Raees kamuga.
— Maverick Ibra (@ibramandhu) August 16, 2022
މީގެ އިތުރުން އެނާ ވިދާޅުވީ، ޕާޓީ ލިސްޓެއްގައި ޕާލިމެންޓު މެމްބަރުން ނަގާ ބަރުލަމާނީ ނިޒާމުގެ ނުރައްކާތެރިކަން އަވައްޓެރި ސްރީލަންކާއިން ފެންނަމުންދާކަމަށެވެ. އަދި އެ ގައުމުގައި ވެރިކަން ކުރަމުންދަނީ، މަޖިލީހަށް ކުރިމަތިލުމުން ރައްޔިތުން އެނާއަށް އިންކާރުކޮށްފައިވާ މީހެއްކަމަށާއި، މަޖިލީހަށް ވަނީ ޕާޓީ ލިސްޓުގައި ކަމަށް ފާހަގަކުރައްވާ އިބްރާ ވިދާޅުވީ، އެހެން ނަމަވެސް ރައްޔިތުން ނުކުމެ އެގައުމުގެ ރައީސް ވެރިކަމުން ދުރުކުރުމާއި އެކު، އެ މީހާ މިހާރު ހުރީ ސްރީލަންކާގެ ރައީސްގެ މަގާމުގައިކަމަށެވެ.
ރައީސް ނަޝީދު، ދިވެހިރާއްޖޭގެ ވެރިކަން ކުރާ ނިޒާމު ބަރުލަމާނީ ނިޒާމަކަށް ބަދަލު ކުރުމަށް ކުރިއަށް އޮތް އެމްޑީޕީގެ ކޮންގްރެސްއަށް ގަރާރެއް ހުށައެޅުމާއި އެކު، އެ ޕާޓީގެ ތެރޭގައިވަނީ ބައިބައިވުންތައް އުފެދެން ފަށާފައެވެ. އެގޮތުން ރައީސް ނަޝީދަށް ތާއީދު ކުރައްވާ ބައެއް ފަރާތްތައް ބަރުލަމާނީ ނިޒާމަށް ތާއީދުކޮށް ވާހަކަތައް ދައްކަމުންދާއިރު، ރައީސް ސާލިހު އެ މަނިކުފާނު ތާއީދު ކުރައްވަނީ ރިޔާސީ ނިޒާމަށް ކަމަށް ހާމަ ކުރުމާއި އެކު، ރައީސް ސާލިހު ފެކްޝަންގެ މެމްބަރުންދަނީ ރިޔާސީ ނިޒާމަށް ތާއީދު ކުރާކަން ސޯޝަލް މީޑިއާގައި ހާމަކުރަމުންނެވެ.
2 Responses
އިބުރާއަކީ ދުނިޔޭގައި ހުރި ހަމަ އެކަނި “ދުރުވިސްނޭ ޅިޑަރު”
މީނާ ވިސްނާލެއް ދުރުކަމުންގޮސް ރަނިންމޭޓަކަށް އަންހެންކުނަގައިގެން ރައީސްކަމްށް ނުކުމެ ރިޔާސީ ރޭހުގެ ގޯނީގެ އެއްމެފުލުގައި އޮއްނަން ޖެހުނީ!
ޙައްޤަކާއި ނުލާ މިލިޔަންސް ހޯދުން!