ސިޔާސީ ކަންކަމުގައި އިސްކޮށް އުޅޭ މީހުން، އެހެން މީހުންގެ ހައްގުތައް ކަތިލައި، އަމިއްލަ މަސްލަހަތު އިސްކޮށްގެން ނުވާނެކަމަށް ރައްޔިތުންގެ މަޖިލީހުގެ މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
ދާދި ފަހުން، ކުރިއަށް ގެންދިޔަ، އެމްޑީޕީގެ ކޮންގްރެސް ބައްދަލުވުމުގައި، އެ ޕާޓީގެ ލީޑަރޝިޕްގައި ތިއްބެވި ބައެއް ބޭފުޅުންގެ އަމަލުތައް ކުށްވެރިކޮށް، ގޮފިތަކުގެ މަންދޫބުންގޮތުގައި ބައްދަލުވުމުގައި ބައިވެރިވި މީހުން ދިފާއު ކުރައްވާ ވާހަކަދައްކަވާފައިވާ ޝަރީފް ވިދާޅުވީ، ސިޔާސީ ވެރިން އުޅެންވާނީ، މުޖުތަމައަށް ކުރިމަތިވެފައިވާ ބޮޑެތި މައްސަލަތައް ހައްލުކޮށްދިނުމަށްކަމަށެވެ.
ޝަރީފް އިޝާރާތްކުރެއްވި ގޮތުން، ދިވެހި މުޖުތަމައުގެ ތެރޭގައި ސިޔާސީ މަސައްކަތްތައް ކުރަމުންދާ ބައެއް މީހުން، މަސައްކަތް ކުރަމުންދަނީ، އަމިއްލަ މަންފާއަށެވެ. އަދި އެކަމަކީ އެދެވިގެންވާ ކަމެއް ނޫންކަމަށް ސިފަކުރައްވާ ޝަރީފް ވިދާޅުވީ، ސިޔާސީ ވެރިން އަމިއްލަ މަސްލަހަތު ހިމެނޭ ކަންކަން ކުރިއެރުވުމަށް މަސައްކަތްކޮށްގެން ނުވާނެކަމަށެވެ. އަދި ރައްޔިތުންގެ ހައްގުތަކުގެ ބަދަލުގައި އަމިއްލަ ނަފްސު ކުރިއަރުވައިގެން ނުވާނެކަމަށް ދޭހަވާ މޭރުމަކުން އެނާ ވަނީ ވާހަކަދައްކަވާފައެވެ.
Political leaders should pay more attention on finding solutions to the most pressing problems facing the nation instead of working hard to advance their political agenda n satisfy their own personal interests at the expense of people’s welfare.
— Ibrahim Shareef (@AdduShareef) August 22, 2022
ޝަރީފްގެ ވާހަކަތަކަށް ބައެއް މީހުންގެ ފާޑުކިޔުންތައް އަމާޒުވެފައިވެއެވެ. އެގޮތުން އެނާގެ ދަރި، މިޒްނާ ޝަރީފަށް ލިބެމުންދާ މުސާރައާއި އިނާޔަތްތަކާއި ގުޅުވައި ނޫހެއްގައި ޝާއިއު ކޮށްފައިވާ އާޓިކަލްއަކާއި ގުޅިގެން އަމާޒުވެފައިވާ ފާޑުކިޔުންތައްވެސް އެނާ ވަނީ ދިފާއު ކުރައްވާފައެވެ.
Dhiyares targets certain people and spread false n propaganda against them.Mizna’s salary is same as any other DHC.And she isn’t getting five times more than others as reported by this so-called news outlet.This can easily be verified by Auditor-General’s reports.@DhiyaresNews
— Ibrahim Shareef (@AdduShareef) August 23, 2022
ޝަރީފް ވިދާޅުވީ، މިޒްނާއާއި ގުޅުވައި އާޓިކަލްއެއް ޝާއިއުކޮށްފައިވާ ނޫހަކީ، ބައެއް ސިޔާސީ މީހުންނަށް އަމާޒުކޮށްގެން ދޮގު ވާހަކަތައް ފަތުރަމުންދާ ނޫހެއްކަމަށެވެ. އަދި މިޒްނާގެ މުސާރަ، އެފަދަ މަސައްކަތްތަކުގައި އުޅޭ އެހެން މުއައްޒިފުންނާއިވެސް އެތްގޮތްވާކަމަަށާއި، ފަސް ގުނަ އިތުރަށް ލިބެމުންދާކަމަށް ދެކެވެމުންދާ ވާހަކަތަކަކީ ދޮގެއްކަން، އޮޑިޓާރ ޖެނެރަލްގެ އޮފީހުން ކަށަވަރު ކުރެވެން އޮންނާނެކަމަށްވެސް އެނާ ވިދާޅުވިއެވެ.
