ބްރިޖު ޕްލެޓްފޯރމުގެ ސަބަބުން ވިލިމާލެ ފަރަށް ލިބިފައިވާ ގެއްލުންތަކުގެ ފޮޓޯތަކެއް އެންވަޔަރަންމެންޓް ޕްރޮޓެކްޝަން އެޖެންސީ (އީޕިއޭ) އިން އާންމުކޮށްފިއެވެ.
އޮގަސްޓު މަހުގެ 16 ވަނަ ދުވަހު، ބުރިޖު އެޅުމަށް ބޭނުން ކުރަމުން ދިޔަ ޕްލެޓުފޯރމު ވިލިމާލެ ފަރު ސަރަހައްދަށް އުރުމާއިއެކު، ޕްލެޓުފޯމު ނެގުމަށް މަސައްކަތްތަކެއް ކުރެވެމުންދިޔަ ރޭޓު ލަސްވެ، މައްސަލަ ބެލުން ލަސްވުމާއި އެކު، ވިލިމާލެ ރައްޔިތުންނާއި، ސިޔާސީ ވެރިން ވެސް ވަނީ އެކަމާއި ކަންބޮޑުވުން ފާޅުކުރައްވާފައެވެ.
އީޕީއޭއިން އާއްމުކުރި ފޮޓޯތަކުން ފެންނަ ގޮތުން ޕްލެޓްފޯމް ފަރަށް އެރުމުގެ ސަބަބުން، ވިލިމާލެ ފަރަށްވަނީ ބޮޑެތި ގެއްލުންތަކެއް ލިބިފައެވެ. އެގޮތުން ފަރުގައި ހަތަރު ބާގަނޑު ހެދިފައިހުރި މަންޒަރު ފެނެއެވެ. އީޕީއޭއިން ބުނެފައިވާގޮތުން މި މައްސަލައިގައި ދިރާސާތައް ކުރުމަށްފަހު، ޖޫރިމަނާ ކުރަން ޖެހޭނަމަ އެކަން ކުރާނެއެވެ.
ބުރިޖު އެޅުމަށް ހަވާލުކޮށްފައިވަނީ، އިންޑިއާގެ ކުންފުޏެއްކަމަށްވާ އެފްކޮންސް ކުންފުންޏާއެވެ.
ބުރިޖު ޕްލެޓުފޯރމުގެ ސަބަބުން ވިލިމާލެ ފަރަށް ބޮޑެތި ގެއްލުންތަކެއް ލިބިފައިވާކަން އީޕީއޭ އިން ކަށަވަރުކޮށްދީފައިވާއިރު، އެކަމާއި ގުޅުވައި އެމްޑީޕީގެ އެންވައިރަމެންޓު އެކްޓިވިސްޓުން ހިމޭނުން ތިބެމުންދާކަމަށް ބުނެ، އިދިކޮޅުންވަނީ ކަންބޮޑުވުން ފާޅުކޮށްފައެވެ.
Damages to #Male #Vilingili #Maldives #Reef caused by careless bridge construction arrangements is alarming. Wonder how the contractor use US$500mio & for what? We hear nothing from the “pro-jazeera mdp” environment minister & anti concrete teams? @EPAMaldives ?@UNMaldives pic.twitter.com/MfQF5b9Wdz
— Mohamed Saeed (@em_saeed) September 8, 2022
ބުރިޖު އެޅުމަށް ބޭނުން ކުރި ޕްލެޓުފޯރުމުގެ ސަބަބުން ފަރަށް ލިބިފައިވާ ގެއްލުންތަކާއި ގުޅުވައި ކަންބޮޑުވުން ފާޅުކުރައްވާ މާވަށު ދާއިރާގެ މެމްބަރު މުހައްމަދު ސައީދު ވިދާޅުވީ، ފަރުވާކުޑަކަމާއި އެކު ބުރިޖު އެޅުމަށް ކުރާ މަސައްކަތްތަކާއި މެދު އެނާ ކަންބޮޑުވާކަމަށެވެ. އަދި 500 މިލިއަން ބޭނުންކުރަނީ ކިހިނަކުންތޯ ސުވާލުކުރައްވާ އެނާވަނީ މި މައްސަލައިގައި އެންވައިރަމެންޓު މިނިސްޓަރ އައިމިނަތު ޝައުނާ ބައެއް ވިދާޅުވެފައިނުވާކަމަށް އިޝާރާތްކުރައްވާފައެވެ.