ދިވެހިރާއްގެ މަސްވެރިކަމުގެ ސިނާއަތަށް ބޮޑެތި ލޮޅުންތަކެއް އައިސް މަސްވެރިން ހާލުގައިޖެހެމުންދާކަމަށް އިދިކޮޅު ކޯލިޝަނުން ސިފަކޮށްފިއެވެ.
ރައީސުލްޖުމުހޫރިއްޔާ އިބްރާހިމް މުހައްމަދު ސާލިހުގެ ވެރިކަމުގައި ދިވެހިރާއްޖޭގެ މަސްވެރިކަމުގެ ސިނާއަތުގެ ހާލަތު ގޯސްވެފައިވާކަމަށް އިޝާރާތްކުރައްވާ އިދިކޮޅު ކޯލިޝަންގެ އިސް ބޭފުޅެއްކަމަށްވާ މާވަށު ދާއިރާގެ މެމްބަރު މުހައްމަދު ސައީދުވަނީ ކަންބޮޑުވުން ފާޅުކުރައްވާފައެވެ.
ސައީދު ވިދާޅުވެފައިވާގޮތުން، ފަހަކަށް އައިސް މަސް ދޯނިތަކަށް ގަނޑުފެން ގަތުމަށް ފައިސާ ނުލިބުމާއި ތެޔޮ ގަތުމަށް ދިގު ކިއު ތަކުގައި ޖެހެން ޖެހުމުގެ ސަަބަބުން، މަސްވެރިން ގެންދަނީ ބާނާ މަސް ކަނޑައަޅަމުންކަމަށެވެ. އަދި މަސްވެރިންގެ މި ކަންބޮޑުވުންތަކާއި ދަތިތަކަށް ސަރުކާރުން ހައްލެއް ހޯދައިދީފައިނުވާކަމަށް ފާހަގަކުރައްވާ އެނާވަނީ މަސްވެރިނަނަށް ހަމަ އަގެއް ހޯދައިދެވިފައިނުވާތާ ގަންނަ އަދަދުތައް ދަށްކަމަށްވެސް ސިފަކުރައްވާފައެވެ. އަދި ކަން މިގޮތުގައި އޮތް އިރު ރައީސް ސާލިހު މަސައްކަތް ކުރައްވަނީ ރައްޔިތުން އަތުން ނަގަމުންދާ ޓެކްސް ފައިސާގެ އަދަދު އިތުރު ކުރުމަށް ކަމަށް އެނާ އިޝާރާތްކުރެއްވިއެވެ.
Last few days fishing boats reportedly dumping their caught back to the sea as gov is unable to find solutions to receive their stock. No ice, no money to pay and long queues for fuel. Prices dropped even for any small amount they buy @ibusolih, gov calling to raise tax ?? pic.twitter.com/q8DVwjcRYX
— Mohamed Saeed (@em_saeed) September 21, 2022
ބާނާ މަސްކޮޅުގެ ބައިކުޅަބައިވެސް ކިރާނުލެވޭ. ކިރާލާ މަސްކޮޅަށް ފައިސާ ނުލިބޭ. އައިސްކޮޅު ނުލިބޭ. ތެޔޮކޮޅު އިންތިހާޔަށް އަގުބޮޑު. 'ހަމައަގު' ގެ ވާހަކަ ދައްކާކަށް ނެތިން. ލޯބޯ ފިއްސައިގެން ބާނާ މަސްކޮޅު މިޖެހެނީ ބަހާލަން. މަސްވެރިސިނާއަތު ހަލާކުވެ މަސްވެރިން ނިކަމެތިކޮށްފި 😥 https://t.co/H3MKYgJJ2T pic.twitter.com/Bq7rmpJ5nx
— Ahmed Shiyam (@Shiyamaldives) September 22, 2022
ސައީދުގެ އިތުރުން މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމްވެސް ވަނީ މަސްވެރިކަމުގެ ސިނާއަތަށް އައިސްފައިވާ ހީނަރުކަމާއި ގުޅިގެން އެނާ ކަންބޮޑުވެލައްވާކަމަށް ސިފަކުރައްވާ ދިމާވެފައިވާ ބައެއް މައްސަލަތަކަށް އަލި އަޅުވައި ވާހަކަދައްކަވާފައެވެ.
ޝިޔާމް ވިދާޅުވީ، ސަރުކާރަށް، ދިވެހި މަސްވެރިން ބާނަމުންދާ މަހުގެ ބައިކުޅަބައިވެސް ކިރާ ނުލެވޭކަމަށެވެ. އެނާ ވިދާޅުވީ، ބާނާ ހުރިހާ މަހެއް ކިރާ ނުދެވޭތާނގައި ކިރާ މަހަށްވެސް ފައިސާ ނުލިބޭކަމަށެވެ. އަދި ގަނޑުފެން ނުލިބުމުގެ އިތުރުން މަސް ދޯނިތަކަށް އަޅާ ތެލުގެ އަގު އިންތިހާއަށް އުފުލިފައިވާކަމަށްވެސް ޝިޔާމް ސިފަކުރެއްވިއެވެ.
އެނާ ވިދާޅުވީ ހަމަ އަގުގެ ވާހަކަތައް ދައްކަން ނެތްކަމަށެވެ. އެހެން ނަމަވެސް މަސްވެރިން ބުރަ މަސައްކަތްތަކެއް ކޮށްގެން ބާނަމުންދާ މަސް މިއަަދު ޖެހެނީ ބަހާލަންކަމަށާއި ރައީސް ސާލިހުގެ ސަރުކާރުންވަނީ މަސްވެރިކަމުގެ ސިނާއަތު ހަލާކުކޮށް މަސްވެރިން ނިކަމެތިކޮށްފައިކަމަށް ޝިޔާމް ވިދާޅުވިއެވެ.
advertisment