އަމީނީ މަގު ހަދަމުންދަނީ ކުރިން ހަދަން ނިންމި ގޮތަކަށް ނޫން: މުއިއްޒު

އަމީނީ މަގު ހަދަމުންދަނީ އުޅަނދުތަކަށް ދުއްވުމަށް ދަތިވާ ގޮތަކަށް ކަމަށް މާލެ ސިޓީ ކައުންސިލުގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ.

އެތައް މައްސަލަތަކަކަށް ފަހު، ރޯޑް ޑިވެލޮޕްމެންޓް ކޯޕަރޭޝަނާއި ހަވާލު ކުރެވިފައިވާ މާލޭގެ އަމީނީ މަގު ހެދުމުގެ މަސައްކަތްތައް ކުރިއަށްދާ ގޮތުގެ ފޮޓޯތަކެއް ސޯޝަލް މީޑިއާގައި އާންމުކުރައްވާ މުއިއްޒު ވިދާޅުވީ، މިހާރު އަމީނީ މަގު ހަދަމުންދަނީ ކުރިން ކަނޑައެޅިފައިވާ ވަރަށް ވުރެ ހަނިކޮށްކަމަށެވެ.

އެނާ ވިދާޅުވީ ކުރިން އަމީނީ މަގުގެ ފުޅާ މިން ކަމަށް ކަނޑައެޅިފައިވަނީ 25 ފޫޓު ކަމަށެވެ. އެހެން ނަމަވެސް މިހާރު އެ މަގު ހަދަމުންދަނީ 21 ފޫޓު 10 އިންޗީގެ ފުޅާ މިނަށް ކަމަށްވުމުން، މަގު ހަނިވެގެންދިއުމާއި އެކު ތޮއް ޖެހުން އިތުރުވެ ދުއްވާ ތެކެއްޗަށް ދަތިތަކެއް ކުރިމަތިވެގެންދާނެކަމަށެވެ.

އަމީނީމަގު ހަދަމުންދަނީ ޕޭވްމަންޓް ވަރަށްފުޅާކޮށް، މަގުގެ ދުއްވަން އޮންނަބައި 25ފޫޓުން 21 ފޫޓް 10އިންޗިއަށް ހަނިކޮށްކަމުން މަގުގެ ތޮށްޖެހުން އިތުރަށް ގޯސްވާނެކަމަށް ފެނޭ. ބިމުގެ އަޑިއަށްލުމަށް ކުރިން ނިންމާފައިވާ "ކޭބަލްޓްރޭ" އަނެއްކާވެސް މިފެންނަނީ ބިމުން މަތީގައި ހަދަމުންދާތަން pic.twitter.com/2F3adEx7gL

— Dr Mohamed Muizzu (@MMuizzu) October 4, 2022

މީގެ އިތުރުން މުއިއްޒު ވިދާޅުވީ، އަމީނީ މަގުގައި ކޭބަލް ޓްރޭ އެޅުމަށް ކުރިން ހަމަޖެހިފައިވަނީ ބިމު އަޑިއަށް ވާ ގޮތަށް ކަމަށެވެ. އެހެންނަމަވެސް މިހާރު އެ ޓްރޭތައް ބިމުން މަތީގައި އަޅަމުންދާ މަންޒަރު ފެންނަ ކަމަށް އެނާ ފާހަގަކުރެއްވިއެވެ.

އަމީނީ މަގު ހެދުމުގެ ތެރޭގައި މައްސަލަތަކެއް ފާހަގަކުރެވިފައިވާކަމަށް މުއިއްޒު ވިދާޅުވިއިރު، އެ މަގު ހެދުމުގެ ތެރެއިން މާލެ ސިޓީ ކައުންސިލާއި އާރްޑީސީއާއި ދެމެދު ބަދަލު ކުރެވުން ބަހުގެ ހަމަލާތަކެއްގެ ތެރޭގައި އާރްޑީސީގެ މެނޭޖިންގް ޑިރެކްޓަރު މޫސާ އަލީ މަނިކު ވަނީ، މުއިއްޒު އަދި މާލެ ސިޓީ ކައުންސިލަށް ފާޑުކިޔުންތަކެއް އަމާޒުކުރައްވާފައެވެ.

ވޭތުވެ ދިޔަ ޖުލައި މަހުގެ ތެރޭގައި ސަންގުޓީވީގެ ހަބަރަށްފަހު ޕްރޮގްރާމްގައި ވާހަކަދައްކަވަމުން މޫސަ ވިދާޅުވީ، މުއިއްޒުއަށް 7 އަހަރު ތެރޭގައިވެސް އަމީނީ މަގުގެ މައްސަލަތަކަށް ހައްލެއް ގެނެވިފައިނުވާކަމަށެވެ. އަދި އެނާ އެ މައްސަލަ 7 މަސް ދުވަސް ތެރޭގައި ހައްލު ކުރައްވާނެކަމަށް ވިދާޅުވިއެވެ.