ކުއްލި މަރާއިގުޅިގެން ފުލުހުންގެ އިހުމާލެއްވާނަމަ ފިޔަވަޅުއަޅަން ފަސްނުޖެހޭނަން: އިމްރާން

މިއަދު ފުލުހުންގެ ބެލުމުގެ ދަށަށް ގެންގޮސްފައިވަނިކޮށް ކުއްލި އަކަށް މަރުވި މީހާގެ މައްސަލައިގައި ފުލުހުންގެ އިހުމާލެއްވެފައިވާނަމަ އެކަމަށް ފިޔަވަޅު އަޅާނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.

Kushuge thuhumathugai @PoliceMv ge belumugedhashugai huttaa meehaku niyaavefai vaathee ekan professional standards in Mihaaru vanee balan fashaafa. Adhi raajjeyge kamaa gulhunhuri ehen muassasaathakunves emassla khaassa samaalukameh dhevvaigen avahah bellevumah dhannavaafin.

— Imran Abdulla (@ShimranAb) October 25, 2022

އިމްރާން ކުރެއްވި  ޓްވީޓްގައި ބުނެފައިވަނީ ކުށުގެ ތުހުމަތުގައި ފުލުހުންގެ ބެލުމުގެ ދަށުގައި ހުއްޓާ މީހަކު ނިޔާވެފައިވާތީ އެކަން ޕްރޮފެޝަނަލް ސްޓޭންޑަރޑްސް އިން ބަލަން ފަށާފައިވާ ކަމަށެވެ. އަދި ރާއްޖޭގެ ކަމާއި ގުޅުންހުރި އެހެނިހެން މުއައްސަތާ ތަކުންވެސް އެމައްސަލަ ހާއްސަ ސަމާލު ކަމެއް ދެއްވައިގެން އަވަހަށް ބެލުމަށް ވަނީ ދަންނަވާފައެވެ.

އިމްރާން ވިދާޅުވީ އެ މައްސަލައިގައި ފުލުހުން އިހުމާލުވެފައިވާ ކަމަށް ނުވަތަ އަނިޔާވެރި އަމަލެއް ހިނގާފައިވާކަމަށް ތަހުގީގަށް ސާބިތުވެއްޖެނަމަ އެކަމާ ގުޅިގެން އަޅަންވާ ފިޔަވަޅު އެޅުމަށް ފަސްނުޖެހޭނެ ކަމަށެވެ.

ފުލުހުން މީޑިއާ ތަކަށް މައުލާުމާތު ދެމުން ބުނެފައިވަނީ ފުލހުންގެ ބެލުމުގެ ދަަށަށް ގެނައި މީހެއްގެ މެއަށް ތަދެއް އަރައި ފިޓް ޖެހުން ފަދަ އަލާމާތްތަކެއް ފެނުމާ ގުޅިގެން ގދ މަޑަވެލި ހެލްތް ސެންޓަރަށް ގެންދެވިފައިވާ ކަމަށެވެ.

ހެލްތް ސެންޓަރަށް ގެންދެވުނު އިރުވެސް އޭނާ މަރުވެފައިވާ ކަމަށް ޑޮކްޓަރުން މައުލޫމާތު ދީފައިވާ ކަމަށް ފުލުހުން ބުނެފައިވެއެވެ. މިއަދު މަރުވެފައިވަނީ 43 އަހަރުގެ ފިރިހެނެއް ކަމަށްވެސް ފުލހުން ވަނީ ބުނެފައެވެ.

ފުލުހުންގެ ބެލުމުގެ ދަށަށް އޭނާ ގެންގޮސްފައިވަނީ ކުއްޔަށް ހިފާފައިވާ ލޯންޗެއްގައި ކަމަށާއި އެ ލޯންޗުގައި އާއްމުންވެސް އެވަގުތު ތިބިކަމަށް ފުލުހުން ބުނެފައިވެއެވެ.

ހާދިސާ އާއި ގުޅިގެން އެރަށުގައި ދިރިއުޅޭ ހޯޑެއްދޫ ކުދިން ވަނީ ކަންބޮޑުވުން ފާޅުކޮށްފައި ކަމަށް މަޑަވެލި ކައުންސިލުން ވަނީ ބުނެފައެވެ.

ފުލުހުން ބުނީ މަރުވި މީހާ މަރުވުމަށް މެދުވެރިވި ސަބަބު ދެނެގަތުމަށްޓަކާ އޮޓޮޕްސީ ހެދުމަށް ނިންމާފައިވާ ކަމަށެވެ.

މީގެ އިތުރުން މި ހާދިސާ އާއި ގުޅޭ މައުލޫމާތު ނޭޝަނަލް އިންޓަގްރިޓީ ކޮމިޝަނަށާއި ހިއުމަން ރައިޓްސް ކޮމިޝަނާއި ހިއްސާ ކުރެވި ތަހްގީގު ކުރުމަށް އެދިފައިވާ ކަމަށް ވެސް ފުލުހުން ވަނީ ބުނެފައެވެ.