މ. ނިރުފެހި ގޭގައި ރޭ ހިނގި އަލިފާނުގެ ހާދިސާއާ ގުޅިގެން ކަމާ ގުޅުންހުރި އިދާރާތަކުން ބަލަންޖެހޭ ކަންކަން ބަލައި ނިމެންދެން މާލޭގެ ބައެއް މަގުތަށް ބަންދުކޮށްފިއެވެ.
ރޭ ހިނގި އަލިފާނުގެ ހާދިސާއާއި ގުޅިގެން ހަތަރު ފުރޮޅުލީ އުޅަނދުފަހަރު ވަދުން މަނާކޮށްފައިވަނީ ޖަވާހިރު މަގަށެވެ. ނަމަވެސް މި މަގަށް ހަތަރު ފުރޮޅުލީ އުޅަނދުނޫން އުޅަނދުތަކަށް ވަދެވެއެވެ.
އެއްގަމު އުޅަނދުފަހަރު ވަނުން މަނާކޮށްފައިވަނީ ރިޔާސީހިނގުމާއި، އިސްކަންދަރު މަގަށެވެ. އަލިފާނުގެ ހާދިސާ ހިނގި މަގާއި ކައިރި މަގުތަކަށްވެސް ވަނީ ވަނުން މަނާކޮށްފައެވެ.
މ. ނިރުފެހި ގޭގައި ރޭ ހިނގި އަލިފާނުގެ ހާދިސާއާ ގުޅިގެން ކަމާ ގުޅުންހުރި އިދާރާތަކުން ބަލަންޖެހޭ ކަންކަން ބަލައި ނިމެންދެން ޗާޓުގައި ފާހަގަކޮށްފައިވާ މަގުތައް އެއްގަމު އުޅަނދަށް ބަންދުވާނެވާހަކަ ދަންނަވަން pic.twitter.com/Awg4vfMPft
— Maldives Police (@PoliceMv) November 10, 2022
މި ހާދިސާ ހިނގާފައިވަނީ ރޭގެ 12:30 ހާއިރުއެވެ. ފުލުހުންނަށް ރޯވެގެން އުޅޭ ރިޕޯޓް ލިބުނުތާ 3 މިނިޓު ތެރޭގައި ވަނީ އެޓެންޑުކޮށްފައެވެ. އަދި އަލިފާން ހުއްޓުވާފައެވެ. ހާދިސާގައި ޖުމްލަ 10 މީހަކު މަރުވެފައިވާއިރު، އޭގެ ތެރޭގައި އިންޑިއާ، ސްރީ ލަންކާ އަދި ބަނގަލަދޭޝްއަށް ނިސްބަތްވާ މީހުން ހިމެނެއެވެ.