ހައިކޯޓުގެ ފަނޑިޔާރު ކަމުގެ މަގާމަށް ފަސް ބޭފުޅަކު ކުރިމަތިލައްވައިފިއެވެ.
މިދިޔަ މަހުގެ 17 ވަނަ ދުވަހު ހައި ކޯޓުގެ ފަނޑިޔާރުކަމަށް ކުރިމަތިލުމުގެ ފުރުސަތު ޖުޑީޝަލް ސާވިސް ކޮމިޝަން (ޖޭއެސްސީ) އިން ހުޅުވާލި ފުރުސަތުގައި ފަނޑިޔާރު ކަމަށް ކުރިމަތިލި ބޭފުޅުންގެ ނަންތައް ޖޭއެސްސީ އިން ވަނީ އިއުލާން ކޮށްފައެވެ.
އޭގެ ތެރޭގައި ކުރިމަތިލެއްވި ބޭފުޅުންގެ ތެރޭގައި ޒީނަތު އަލީ / ދަފްތަރު. ނަންބަރު 2616 މާލެ އާއި މުހައްމަދު ޝަނީޒް އަބްދުﷲ / ހަނދުވަރީނާޒް، ގދ.ގައްދޫ އާއި މަރްޔަމް ވަހީދު / ބެލޫން، ސ.ފޭދޫ އަދި ރުޝްދުﷲ އިބްރާހީމް / ޖަވާހިރުމާގެ، ބ.މާޅޮސްގެ އިތުރުން ފައްޔާޟު ޝާތިރު / ހަސަންކާރިގެ، ސ.މީދޫ އެވެ.
ހައިކޯޓުގެ ފަނޑިޔާރުކަމުގެ މަގާމަށް ބޭފުޅަކު ހޮވުމަށް އިއުލާން ކުރީ އެ ކޯޓުގެ އިސް ފަނޑިޔާރުކަމުގައި ހުންނެވި ހާތިފް ހިލްމީ ފަނޑިޔާރުކަމުން ރިޓަޔާ ކުރެއްވުމުންނެވެ.
