ފާއިތުވެގެންދިޔަ އަހަރުގެ ތެރޭގައި ދިވެހިރާއްޖެއިން ހާސިލުކޮށްފައިވާ ލަނޑުދަނޑިތަކާއިމެދު ފަހުރުވެރި ވެވަޑައިގަންނަވާކަމަށް ރައީސުލްޖުމުހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
އާ އަހަރުގެ މުނާސަބަތުގައި ދިވެހި ރައްޔިތުންނަށް ތަހުނިޔާ ވިދާޅުވެ ރައީސް ސާލިހު ކުރެއްވި ޓްވީޓްގައިވަނީ ދިވެހިރާއްޖެއަށް ފަހުރުވެރިވާފަދަ ކަންކަން ހާސިލު ކުރެވިފައިވާކަމުގެ އިޝާރާތްތަކެއް ކުރައްވާފައެވެ. އެމަނިކުފާނު ވިދާޅުވީ، ދިވެހިން ކުރިއެރުންތައް ހާސިލުކޮށްފައިވަނީ ބޮޑެތި ގޮންޖެހުންތަކަކާއި ކުރިމަތިލުމަށްފަހުކަމަށެވެ. އެހެންކަމުން ކުރިއަށް އޮތް އަހަރުގެ ތެރޭގައިވެސް އިތުރު ކަންކަން ފެނި، ހާސިލު ކުރެވިގެންދާނެކަމަށް އުންމީދު ކުރައްވާކަމަށް އެމަނިކުފާނު ވަނީ ވިދާޅުވެފައެެވެ.
Fazu and I wish everyone a very happy #NewYear. I’m proud of what we as Maldivians have achieved this past year in spite of the many challenges and I look forward to embrace the opportunities that the new year brings for us. I wish everyone a happy, healthy, and prosperous 2023! pic.twitter.com/vymB3GVUVI
— Ibrahim Mohamed Solih (@ibusolih) December 31, 2022
ރައީސް ސާލިހު ތަހުނިޔާ ވިދާޅުވިއިރު، އާ އަހަރު ފެށުމާއި އެކު ދިވެހިރާއްޖޭގައި އަލަށް ތަންފީޒުކޮށްފައިވާ ޓެކްސް ނެގުމުގެ ގާނޫނަށްވަނީ އަމަލުކުރަން ފެށިފައެވެ. އެގޮތުން ރައްޔިތުން އަތުން ނަގަމުންދާ ޓެކްސްގެ އަދަދުވަނީ 6 އިންސައްތައިން 8 އިންސައްތައަށް އިތުރުކުރެވިފައިކަން ފާހަގަކުރެވެއެވެ.
