އެމްޑީޕީގެ ރައީސްކަމުގެ މަގާމުގައި މުހައްމަދު ނަޝީދު ހުންނަވަނީނަމަ ޕާޓީގެ ރިޔާސީ ކެނޑިޑޭޓު ރައީސުލްޖުމްހުރިއްޔާ އިބްރާހީމް މުހައްމަދު ސާލިހަށް ކުރިއަށް އޮތް ރިޔާސީ އިންތިހާބު ކާމިޔާބުކޮށްދިނުމަށް މަސައްކަތްކޮށްދޭން ޖެހޭނެކަމަށް އައްޑޫ މަރަދޫ ދާއިރާގެ މެންބަރު އިބްރާހީމް ޝަރީފް ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމެރީއިން ލިބުނު ނާކާމިޔާބީ ގަބޫލު ނުކޮށް ޕާޓީގެ ގައުމީ މަޖިލީހުގެ ވަޓްސްއެޕް ގުރޫޕަށް ފޮނުވި މެސެޖެއްގައި ވިދާޅުވެފައިވަނީ އެމަނިކުފާނު ކެމްޕެއިން ޓީމުގެ ފަރާތުން ކެނޑިޑޭޓެއް ކަނޑައާނެކަމަށެވެ. އެމަނިކުފާނުގެ ތާއިދު ރައީސް ސާލިހަށް ނެތްކަން ހާމަވެފައިވާއިރު، އިބްރާހީމް ޝަރީފް ޓުވީޓެއް ކުރައްވާ ވިދާޅުވީ، ޕާޓީ އެކަތިގަނޑަކަށް ހެއްދެވުމަށް މަސައްކަތްކުރެއްވުމާއި އަދި ކުރިއަށް އޮތް ރިޔާސީ އިންތިހާބު ޕާޓީގެ ކެނޑިޑޭޓު ރައީސް ސާލިހަށް ކާމިޔާބުކޮށްދިނުމަށް މަސައްކަތްކުރެއްވުމަކީ ޕާޓީގެ ރައީސްގެ މަސްއޫލިއްޔަތެއްކަމަށެވެ.
Primaryin bali vumah @MohamedNasheed bali qaboolu kuravvaa party ekathi gadakah hehdhevumah masakkaiy kurevvumaai kuriyah oi riyaasee inthikhaabu partyge candidate @ibusolih ah kaamiyaabu kohdhinumah masakkaiy kurevvumakee party Raeesge masooliyatheh (Raees kamuga hunnavvaa nama)
— Ibrahim Shareef (@AdduShareef) January 30, 2023
ޕާޓީއިން ނެރޭ ކެނޑިޑޭޓަކަށް ތާއިދުކޮށް، އެ ކެނޑިޑޭޓަކަށް ވޯޓު ހޯދުމަށް މަސައްކަތްކުރުމާއި އަދި ވޯޓު ދިނުން ޕާޓިގެ އަސާސީ ގާވާއިދުން ލާޒިމްކުރި ނަމަވެސް، ނާކާމިޔާބީ ލިބުނަސް ރައީސް ސާލިހާއިއެކު މަސައްކަތްނުކުރައްވާނަންކަމަށް ރައީސް ނަޝީދު ވަނީ ވިދާޅުވެފައެވެ. އަސާސީ ގަވާއިދާއި ޕާޓިގެ މެންބަރަކުން ހިލާފުވަނީނަމަ އެ މެންބަރަކަށް ފިޔަވަޅު އެޅުމުގެ އިހުތިޔާރު ޕާޓިއަށް ލިބިގެންވެއެވެ.
