ޖުމްހޫރީ ޕާޓީ (ޖޭޕީ) ގެ ވެރިންވެގެން އެމްޑީޕީ ރޫޅާލުމުގެ މަސައްކަތްކުރަމުންދާކަމަށް މަޖިލީހުގެ ކުރީގެ ނައިބު، އެމްޑީޕީގެ ކުރީގެ ޗެއާޕާސަން މޫސާ މަނިކު (ރީއްކޯ) ވިދާޅުވެއްޖެއެވެ.
ޓުވީޓެއްކުރައްވާ މޫސަ ވިދާޅުވީ ޖުމްހޫރީ ޕާޓީއިން ކުރިއަސް އަދި އެހެން ޕާޓީއަކުން ކުރިއަސް ގޯހެއް ވާނީ ގޯހަކަށްކަމަށެވެ. އެމްޑީޕީގެ ރަސްމީ އެއްވެސް ނިންމުމެއްނެތި އެމްޑީޕީގެ ބަޔަކު ގެންގޮސްގެން، ޖުމްހޫރީ ޕާޓީގެ ވެރިން އެމްޑީޕީ ރޫޅާލުމަށް ކުރަމުން އަންނަ މަސައްކަތްތަކައް ހިތްވަރުދިނުމަކީ ސިޔާސީ ޕާޓީތަކުގެ ގާނޫނާއިވެސް ހިލާފު އަދި ވަރަށް ނުކިއްސަރު އަމަލެއްކަމަށް މޫސަ ވިދާޅުވިއެވެ.
އެމްޑީޕީގެ “ފިކުރެއްގެ ދިރުން” އިން ޖުމްހޫރީ ޕާޓީއާއި ބައްދަލުކުރުމުން ސިފަވީ 7 ފެބުރުއަރީކަމަށް މޫސަ ވަނީ ވިދާޅުވެފައެވެ.
JP kuriyas ehen party akun kuriyas goheh vaanee gohakah MDP ge rasmee ehves ninmumehnethi e partyge bayakugengos gen JP ge verin MDP roolhaa lumuge masaithkathah hihvarudhinumakee Siyasee party thakuge qaanoonaa ves khilaafu adhi varah nukissaru amaleh! Kudakoh 7 feb sifavanee
— Moosa Maniku (Reeko) (@ReekoMoosa) March 23, 2023
އޭނާ މިފަދައިން ވިދާޅުވެފައި މި ވަނީ ހެންވޭރު ހުޅަނގު ދާއިރާގެ މެންބަރު ހަސަން ލަތީފް އާއި، އެސްޓީއޯގެ މެނޭޖިން ޑިރެކްޓަރު ހުސެއިން އަމްރު ޖުމްހޫރީ ޕާޓީއާއިއެކު ބައްދަލުވުމެއް ކުރިއަށް ގެންގޮސްފައިވާތީއެވެ. ރައީސް ނަޝީދު ޖުމްހޫރީ ޕާޓީއާއި ގުޅިވަޑައިގަނެގެން މި އަހަރު އޮންނަ ރިޔާސީ އިންތިހާބު ވާދަކުރައްވާނެކަމަށް ގިނަ ބަޔަކު އަންނަނީ ބުނަމުންނެވެ.
ޖުމްހޫރީ ޕާޓީގެ ގައުމީ ކޮންފަރެންސްގައި އެ ޕާޓީގެ ލީޑަރު ގާސިމް އިބްރާހީމް ވަނީ ރައީސް ނަޝީދަށް ބޮޑެތި ތައުރީފުތަކެއް ކުރައްވާފައެވެ. ނަމަވެސް އެއަށްފަހު ވިދާޅުވީ ރިޔާސީ އިންތިހާބުގައި ރައީސް ނަޝީދާއިއެކު ކުރިއަށްވަޑައިގެންނެވުމުގެ މަޝްވަރާއެއް ކޮށްފައިނުވާކަމަށެވެ.
އެމްޑީޕީގެ ރިޔާސީ ޕްރައިމަރީއިން ބޮޑުތަނުން ކާމިޔާބު ހޯއްދަވައިގެން، ޕާޓީގެ ރިޔާސީ ޓިކެޓު ރައީސުލްޖުމްހުރިއްޔާ އިބްރާހީމް މުހައްމަދު ސާލިހު ޔަގީންކުރައްވާފައިވީ ނަމަވެސް، ރައީސް ނަޝީދު ގެންދަވަނީ ރައީސް ސާލިހާއި ދެކޮޅަށް މަސައްކަތްތަކެއް ކުރައްވަމުންނެވެ. “ފިކުރެއްގެ ދިރުން” ނަމުގައި ހަރަކާތެއް ކުރިއަށް ގެންދަވާ ސޮއި ހަމަ ކުރުމުގެ މަސައްކަތްތަކެއްވެސް ކުރިއެވެ. ނަމަވެސް މިހާރު މި މަސައްކަތް ވަނީ މަޑުޖެހިފައިކަން ފާހަގަކުރެވެއެވެ.