ރަސްމީ ދަތުރުފުޅެއްގައި ފޮރިން މިނިސްޓަރ މޫޒާ ޒަމީރު ގަތަރަށް މިއަދު ވަޑައިގެންފި އެވެ.
މީޑިއާތަކަށް މައުލޫމާތު ދެމުން ފޮރިން މިނިސްޓްރީން ބުނީ ގުޅުން ބަދަހި ކުރުމާއި ގުޅުން ހުރި މަޝްވަރާތަކަށް ކުރައްވާ މި ދަތުރުފުޅަށް ފަހު ޒަމީރު ރާއްޖެ ވަޑައިގަތުމަށް ހަމަޖެހިފައި ވަނީ މާދަމާ ކަމަށެވެ.
މި ދަތުރުފުޅުގައި ގަތަރުގެ ބޮޑުވަޒީރު އަދި ފޮރިން މިނިސްޓަރ ޝެއިހް މުހައްމަދު ބިން އަބްދުއްރަހްމާން ބިން ޖާސިމް އަލް ތާނީއާއެކު މަޝްވަރާތައް ކުރިޔަށް ގެންދިއުމަށް ވަނީ ހަމަޖެހިފަ އެވެ.
ޒަމީރު ވިދާޅުވީ ގަތަރުގައި ބާއްވާ ބައްދަލުވުންތަކުގައި، ދެ ގައުމަށް ފައިދާ ކުރުވަނި ދާއިރާތަކުގެ ތެރެއިން ހިޔާލުތައް ބަދަލު ކުރެވިގެންދާނެ ކަމަށެވެ.
Arrived in #Doha on my first official visit to Qatar.
Looking forward for fruitful discussions with HE Sheikh Mohammed bin Abdulrahman bin Jassim Al Thani @MBA_AlThani_ , Prime Minister & Minister of Foreign Affairs of Qatar, to deepen #Maldives – #Qatar relationship for the… pic.twitter.com/KlOhbDIn8Q
— Moosa Zameer (@MoosaZameer) May 12, 2024
ޚާރިޖީ ގުޅުން ބަދަހި ކުރުމަށާއި، ދާއިރާތަކުގެ ތެރެއިން ބައެއް އެއްބަސްވުންތައް ގާއިމު ކުރާތީ އެކަމުގެ މަޝްވަރާތަކަށް މި ހަފްތާގައި އިތުރު ބައެއް ވަޒީރުން ވެސް ގައުމުތަކަށް ދަތުރު ކުރެއްވުމަށް ވަނީ ހަމަޖެހިފަ އެވެ.
