އެޗްޑީސީގެ ޗެއަރމަން އަހުމަދު ޒުހޫރު މަގާމުން ވަކިކޮށްފައިވާކަމަށް ޕީސީބީއިން ބުނެފިއެވެ.
ގިނަ މަގާމުތަކުގައި ތިބި މީހުން ވަކިކޮށް ބަދަލުތައް އަންމަުންދާއިރު ޕީސީބީއިންވަނީ އެ ބޯޑުގެ ރަސްމީ އެކްސް އެކައުންޓުން ކުރި ޕޯސްޓެއްގައި، ޗެއަރމަން ޒުހޫރުވެސް މަގާމުން ވަކިކޮށްފައިވާކަން އިއުލާނުކޮށްފައެވެ. އަދި އެ މަގާމުގެ އިތުރުން އެޗްޑީސީގެ ބޯޑުގެ ޑިރެކްޓަރުކަމުންވެސް ވަކިކޮށްފައިވާކަން ޕީސީބީއިންވަނީ ކަށަވަރުކޮށްދީފައެވެ.
އެމްއެމްޕީއާރްސީގެ ޗެއަރޕާސަން އައިޝާ ނުރައިން ޖަނާހުވެސް ވަނީ މިއަދު އިސްތިއުފާ ދެއްވާފައިކަމަށްވާއިރު، މިފްކޯގެ އެމްޑީ އަހުމަދު ސަމާހު ރަޝީދުވެސްވަނީ މަގާމުން ވަކިކޮށްފައެވެ. އަދި އެމްއެމްޕީއާރްސީގެ އެމްޑީ ފާތިމަތު ތައުފީގުވެސް މަގާމުން ވަކިކޮށްފައިވާއިރު ޑެޕިއުޓީ މިނިސްޓަރަކު ސަސްޕެންޑުކުރެވިފައިވާކަންވެސް މީޑިއާތަކުން ރިޕޯޓުކޮށްފައިވާކަން ފާހަގަކުރެވެއެވެ.
