މި ބައްދަލުވުންތަކުގައި ރައީސް ދެއްކެވި ވާހަކަފުޅުގައި ވަނީ، ދެ ގައުމުގެ ގުޅުން ބަދަހިކޮށް އެކުގައި މަސައްކަތް ކުރުމުގެ މުހިންމުކަން ފާހަގަކުރައްވާފަ އެވެ، ރައީސް ވިދާޅުވީ އިގްތިސާދީ އިސްލާހަށް ކަނޑައަޅާފައިވާ އެޖެންޑާގެ އަމާޒކީ ފަތުރުވެރިކަމުގެ އިތުރުން މާލީ ހިދުމަތްތަކާއި މެރިޓައިމް ސިނާއަތް އަދި ޑިޖިޓަލް އިގްތިސާދު ފަދަ ދާއިރާރައް ހިމެނޭ ގޮތަށް އިގްތިސާދު ސިންދަފާތު ކުރުން ކަމަށެވެ. އަދި އަމިއްލަ ވިޔަފާރީގެ ދާއިރާތަކުގައި އިންވެސްޓު ކުރުމުގެ މުހިންމުކަމާއި ގުޅޭގޮތުން ރައީސް ވަނީ، ރާއްޖޭގެ އިގްތިސާދީ ތަރައްގީގައި އިންޑިއާ އަދާކުރާ މުހިންމު ދައުރު ފާހަގަކުރައްވާފަ އެވެ.

ސަރުކާރުގެ އެންމެ ބޮޑު މަޝްރޫއުތަކުގެ ތެރޭގައި ހިމެނޭ، ރަސްމާލެ ޕްރޮޖެކްޓުގެ މައިގަނޑު އަމާޒަކީ ވެސް އެއީކަން ރައީސް ފާހަގަކުރެއްވި އެވެ. ރަސްމާލެ ޕްރޮޖެކްޓަކީ ރައީސް ވިދަޅުވި ގޮތުގައި ރާއްޖޭގެ މަދަނިއްޔަތަށް އެދެވޭ ބަދަލެއް ގެނައުމުގެ މަގްސަދުގައި ތަރައްގީ ކުރާ އިކޯ ސިޓިއެކެވެ.

އަލަށް ގެނައި ފޮރިން އިންވެސްޓްމަންޓު ގާނޫނާއި އަންނަ އަހަރު އިފްތިތާހު ކުރުމަށް ހަމަޖެހިފައިވާ މޯލްޑިވްސް އިންޓަނޭޝަނަލް ފައިނޭންޝިއަލް ސެންޓަރަކީ އިގްތިސާދީ އިސްލާހުގެ މަސައްކަތުގެ ބައެއްކަމަށެވެ. މިއާއި އެކު ރާއްޖޭގެ ފުރަތަމަ ޑިވެލޮޕްމަންޓު ބޭންކުގެ މަސައްކަތް ވަރަށް އަވަހަށް ފެށިގެން ދާނެކަން ރައީސް ފާހަގަކުރެއްވި އެވެ.

މީގެއިތުރުން ރައީސް ވިދާޅުވީ 2030 ވަނަ އަހަރު އަންނަންވާއިރަށް، ރާއްޖޭގެ އުފެއްދުންތެރިކަމުގެ 15 އިންސައްތަ ހިއްސާ ކުރާނީ ޑިޖިޓަލް އިގްތިސާދުންކަމަށް ހެދުމަށް އެ ދާއިރާ ކުރިއަރައި ދިއުން މުހިންމު ކަމަށެވެ. އަދި ރާއްޖޭގައި ރުޕޭ ކާޑު ބޭނުން ކުރަން ފެށުމާއި އެކު އިންޑިއާއާއި ރާއްޖެއާއި ދެމެދު މާލީ މުއާމަލާތްތަށް ކުރުން އިތުރަށް ލުއިފަސޭހަ ވެގެން ދާނެކަމަށް ފާހަގަކުރެއްވި އެވެ.

ސަރުކާރުގެ މަސައްކަތްތަކުގެ ތެރޭގައި ހިމެނޭ ބައެއްގެ ގޮތުން ރައީސް ދެން ތަފްސީލު ދެއްވާފައި ވަނީ 2028 ވަނަ އަހަރު އަންނައިރު ރާއްޖޭގައި އުފައްދާ ހަކަތައިގެ 33 އިންސައްތައަކީ އިޔާދަކުރަނިވި ވަސީލަތްތަކުން އުފައްދާ ހަކަތައަށް ހެދުމަށް ރާއްޖެއިން ކުރަމުންދާ މަސައްކަތެވެ. އަދި ވިދާޅުވީ 2030 ވަނަ އަހަރު އަންނަންވާއިރަށް، ރާއްޖޭގެ އުފެއްދުންތެރިކަމުގެ 15 އިންސަައްތަ ހިއްސާ ކުރާނީ ޑިޖިޓަލް އިގްތިސާދުންކަމުގައި ހެއްދެވުމަށް ޑިޖިޓަލް ދާއިރާ ކުރިއަރައިއުން މުހިންމުކަމަށެވެ. މިސާލެއްގެ ގޮތުން ރައީސް ފާހަގަކުރެއްވީ ރާއްޖޭގައި ރުޕޭ ކާޑު ބޭނުން ކުރެވެން ފެށުމާއި އެކު އިންޑިއާ – ރާއްޖެ ދެމެދު މާލީ މުއަމާލަތްތައް ކުރުމުހައި ލިބިގެންދާނެ ލުއިފަސޭހަތަކެވެ.

މި ބައްދަލުވުމުގައި ރައީސުލްޖުމްހޫރިއްޔާ ވަނީ ފަތުރުވެރިކަމުގެ އިތުރުން، މާލީ ހިދުމަތާއި މެރިޓައިމް ސިނާއަތް އަދި ޑިޖިޓަލް އިގްތިސާދު ފަދަ ދާއިރާރައް ހިމެނޭ ގޮތަށް ސަރުކާރުން ކުރާ މަސައްކަތްތަކުގެ ތަފްސީލު ވެސް ދެއްވާފަ އެވެ. މި އެޖެންޑާގެ މަގްސަދަކީ ރައީސް ވިދާޅުވި ގޮތުގައި ފަތުރުވެރިކަމުގެ އިތުރުން މާލީ ހިދުމަތްތަކާއި މެރިޓައިމް ސިނާއަތާއި ޑިޖިޓަލް އިގްތިސާދު ފަދަ ދާއިރާތައް ހިމެނޭ ގޮތަށް އިގްތިސާދު ސިންދަފާތު ކުރުން ކަމަށެވެ.