ހާޝިމް އަބޫބަކުރުގެ ބަލި ހާލަތު ހުރިގޮތުން ޑޮކްޓަރު ދެއްވާފައިވާ ރެކަމެންޑޭޝަން އާއި އެއްގޮތަށް ޖަލުގައި ބަހައްޓައިގެން ފަރުވާ ނުދެވޭތީ، އޭނާ ވާނީ ހުކުމް ތަންފީޒު ކުރުމަށް ވަގުތީގޮތުން ގޭބަންދުގައި ބަހައްޓައިފައިކަމަށް މޯލްޑިވްސް ކަރެކްޝަނަލް ސާވިސްއިން ބުނެފިއެވެ.
މިކަމާއި ގުޅިގެން ކަރެކްޝަންސްއިން ނެރުނު ނޫސްބަޔާނެއްގައި ބުނެފައިވަނީ ހާޝިމް އަބޫބަކުރަކީ 2022 ވަނަ އަހަރުން ފެށިގެން ޖަލުގައި ހުކުމް ތަންފީޒުކުރުމަށް ޖަލަށްލާފައިވާ މީހެއް ކަމަށެވެ. އަދި އޭނާ 2022 ވަނަ އަހަރުން ފެށިގެންވެސް އައީ އުނަނގަޑުގައި މައްސަލައެއް ހުރެ އެކަމުގެ ވޭން ތަހައްމަލުކުރަމުން ކަމަށް ކަރެކްޝަންސްގެ ބަޔާނުގައި ވަނީ ބުނެފައެވެ.
އެހެންކަމުން އޭނާގެ ސަރޖަރީ ރާއްޖެއިން ކުރެވެން ނެތް ކަމަށް ޑޮކްޓަރުން ލާފާދީފައިވާކަމަށާއި އާއި އަދި ކަރެކްޝަންސްގެ މެޑިކަލް ބޯޑުން ވެސް އެހެން ނިންމާފައިވާކަމަށް އެ ހިދުމަތުން ވަނީ ބުނެފައެވެ. އަދި މެޑިކަލް ބޯޑުން އެހެން ނިންމުމާއިއެކު އޭނާ ރާއްޖެއިން ބޭރަށް ބޭސްފަރުވާއަށް ދިއުމުގެ ހުއްދަ 5 އޮގަސްޓު 2024 ގައި ކަރެކްޝަންސްއިން ދީފައިވާ ކަމަށް ވަނީ ބުނެފައެވެ.
ބޭސްފަރުވާއަށް ފަހު އޭނާ އެނބުރި މާލެ އައިސްފައިވަނީ 16 ސެޕްޓެމްބަރު 2024ގައި ކަމަށް ކަރެކްޝަންސްގެ ބަޔާނުގައިވެއެވެ.
ހާޝިމް އަބޫބަކުރުގެ ބަލި ހާލަތު ހުރިގޮތުން ޑޮކްޓަރު ދެއްވާފައިވާ ރެކަމެންޑޭޝަން އާއި އެއްގޮތަށް ޖަލުގައި ބަހައްޓައިގެން ފަރުވާ ނުދެވޭތީ، އޭނާ ވާނީ ހުކުމް ތަންފީޒު ކުރުމަށް ވަގުތީގޮތުން ގޭބަންދުގައި ބަހައްޓައިފައިކަމަށް ވެސް އެ ހިދުމަތުން ވަނީ ބުނެފައެވެ.
މީގެއިތުރުން ކަރެކްޝަނުން ބުނެފައިވަނީ އެ ހިދުމަތުން އަބަދުވެސް މަސައްކަތް ކުރަމުންދާނީ އޮންނަ އުސޫލުގެ ތެރެއިން ކަމަށެވެ.
