ވެމްކޯއިން އިމާރާތް ތަޅައިދިނުމުގެ ހިދުމަތް ދޭން ނިންމައިފިއެވެ.
މިކަމާއި ގުޅޭ މައުލޫމާތު ހިއްސާކޮށް ވެމްކޯއިން ބުނީ އަންނަ އަހަރުގެ ކުރީކޮޅު އެ މަސައްކަތް ފެށުމުގެ ތައްޔާރީތައް ކުރިއަށްދާކަމަށެވެ.
ވެމްކޯއިން މައުލޫމާތުދީފައިވާ ގޮތުގައި މިހާރު ކުރިއަށް ދަނީ އެކަމަށް ބޭނުންވާ ޕެކޭޖުތައް ތައްޔާރުކޮށް، ހިދުމަތަށް ނަގާނެ އަގު ކަނޑައެޅުމުގެ މަސައްކަތްތައްކަމަށެވެ. މި މަސައްކަތް ކުރިއަށްދަނީ ކަމާއި ގުޅުންހުރި އިދާރާތަކުގެ މަޝްވަރާއާއިއެކުކަމަށް ބުންޏެވެ.
މި ހިދުމަތް ދޭން ފެށުމަށް ބޭނުންވާ އިންޓާނަލް ރިސާޗް ހެދުމުގެ މަސައްކަތް ކުރިއަށްދާކަމަށާއި، މިކަމަށް ބޭނުންވާ މީހުން ހޯދަމުންދާކަމަށްވެސް ވެމްކޯއިން ބުންޏެވެ.
މިވަގުތު ވެމްކޯއިން ދެމުން ގެންދަނީ އިމާރާތް ތަޅާލުމުން ގާކުނޑިތައް ނައިގައިދިނުމުގެ ހިދުމަތެވެ.
