ހދ. ކުރިނބީ އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ ބައި އިލެކްޝަން ކާމިޔާބު ކުރި ސަރުކާރުގެ މައި ޕާޓީ ޕީއެންސީގެ ކެންޑިޑޭޓުންނަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަރުހަބާ ވިދާޅުވެއްޖެއެވެ.
މިއަދު އޮތް ކުރިނބީ ޑަބްލިއުޑީސީ ބައި އިލެކްޝަނުގައި ޖުމްލަ ހަ ކެންޑިޑޭޓަކު ވާދަކުރި އެވެ. އެއީ ޕީއެންސީން 3 ކެންޑިޑޭޓުންނާއި، އެމްޑީޕީގެ ޓިކެޓުގައި ވާދަ ކުރި 03 ކެންޑިޑޭޓުންނެވެ.
ތިން މެމްބަރަކު ހޮވުމަށް އޮތް މި އިންތިހާބު ކާމިޔާބު ކުރީ ޕީއެންސީގެ މެމްބަރުންނެވެ.
އިންތިހާބު ކާމިޔާބު ކުރި ތިން ކެންޑިޑޭޓުންނަކީ:
ފާތިމަތު ނާފިޒާ އިސްމާއިލް/ ވީނަސް، ހދ. ކުރިނބީ
އިނާސާ އާދަމް/ ދޫގަސް، ހދ. ކުރިނބީ
ރާނިޔާ މުހައްމަދު/ ފަލަކު، ހދ. ކުރިނބީ
ޕާޓީގެ ތިން މެމްބަރުންނަށް ވެސް މަރުހަބާ ވިދާޅުވެ ކުރެއްވި ޕޯސްޓުގައި ރައީސް ވަނީ، މި އިންތިހާބު ޕީއެންސީއަށް ކާމިޔާބުކޮށްދިނުމަށް މަސައްކަތްކޮށް ވޯޓުގައި ބައިވެރިވި ހުރިހާ ރައްޔިތުންނަށް ޝުކުރު އަދާކުރައްވާފަ އެވެ.
