ރައްޔިތުންގެ މަޖިލީހުގެ ރައީސް އަބްދުލްރަހީމް އަބްދުﷲ ރަސްމީ ދަތުރުފުޅެއްގައި މިއަދު އިންޑިއާއަށް ފުރާވަޑައިގެންވުމަށް ހަމަޖެހިފައިވާކަން އެމަނިކުފާނު ހާމަކޮށްފިއެވެ.
މި ދަތުރާއި ގުޅޭ ގޮތުން އެންމެ ފުރަތަމަ މީޑިއާތަކުން ރިޕޯޓު ކުރީ ޑިސެމްބަރު 21 ގައެވެ.
އިންޑިއާގެ ގާނޫނު ހަދާ މަޖިލީހަށް އެ ގައުމުގެ އެކްސްޓާނަލް އެފެއާޒްގެ ސްޓޭޓް މިނިސްޓަރު ޕަބިތުރާ މާގެރީޓާ ފޮނުއްވި ސިޓީއެއްގައި ވިދާޅުވީ ރާއްޖޭގެ ގާނޫނު ހަދާ މަޖިލީހުގެ ވަފްދަކާއެކު މަޖިލީހުގެ ރައީސް އަބްދުއްރަހީމް އިންޑިއާއަށް ވަޑައިގެންނެވުމަށް ހަމަޖެހިފައިވާކަމަށެވެ.
މި ދަތުރުފުޅަކީ ފެބްރުއަރީ 10 އިން 14 ގެ ނިޔަލަށް ކުރައްވާ ދަތުރުފުޅެކެވެ.
މިއީ މަޖިލީސް ރައީސްކަމާއި ހަވާލުވުމަށްފަހު އަބްދުލްރަހީމް އިންޑިއާއަށް ކުރައްވާ ފުރަތަމަ ރަސްމީ ދަތުރުފުޅެވެ.
